Zabarona na paloty ŭ Krym uvioŭ Jeŭrakantrol. Admoviłasia ad Krymu i «Biełavija». Jeŭrakantrol raić pry vybary maršrutaŭ ŭzhadnić ich z ukrainskimi, rumynskimi, bałharskimi i tureckimi dyśpietčarami.
Jeŭrapiejskaja arhanizacyja pa biaśpiecy aeranavihacyi (Jeŭrakantrol) zabaraniła paloty ŭ Krym, a mienavita ŭ Simfieropal i Sievastopal. Infarmacyja pra heta raźmieščana na aficyjnym sajcie arhanizacyi. «Jeŭrakantrol, stroha prytrymlivajučysia Kanviencyi ICAO ab mižnarodnaj hramadzianskaj avijacyi, nie budzie pryznavać lubyja adnabakovyja dekłaracyi aeranavihacyjnaha absłuhoŭvańnia nad jakojści častkaj ukrainskaj pavietranaj prastory, vydadzienyja nie ŭkrainskaj uładaj», — havorycca ŭ paviedamleńni, jakoje cytuje «Niamieckaja chvala».
Admoviłasia ad palotaŭ u Simfieropal i biełaruskaja avijakampanija «Biełavija». Praŭda, aficyjna heta patłumačyli słabym popytam. U minułyja hady paloty ź Minska ŭ Simfieropal ažyćciaŭlalisia ŭ letni pieryjad.
