Nieviadomyja z aŭtamatami achoŭvajuć zachopleny budynak SBU ŭ Łuhansku. U hetych ludziach zaŭvažnaja vajskovaja vypraŭka. Fota Rojterz.
Nieviadomyja z aŭtamatami achoŭvajuć zachopleny budynak SBU ŭ Łuhansku. U hetych ludziach zaŭvažnaja vajskovaja vypraŭka. Fota Rojterz.
Nieviadomyja z aŭtamatami achoŭvajuć zachopleny budynak SBU ŭ Łuhansku. U hetych ludziach zaŭvažnaja vajskovaja vypraŭka. Fota Rojterz.
Pieradajom dasłoŭna paviedamleńnie aficyjnaha rasijskaha ahienctva ITAR-TASS:
«Respublikanski saviet Danieckaj narodnaj respubliki źviarnuŭsia da prezidenta RF z prośbaj ab uvodzie časovaha miratvorčaha kantynhientu.
Deputaty adnahałosna padtrymali zvarot Respublikanskaha savieta Danieckaj narodnaj respubliki.
Raniej deputaty Danieckaha abłasnoj rady abviaścili ab dziaržaŭnaj samastojnaści Danieckaj narodnaj respubliki. Adpaviedny akt byŭ začytany na pasiadžeńni abłsavieta.
«Terytoryja ŭ miežach pryznanych miežaŭ źjaŭlajecca niepadzielnaj i niedatykalnaj», — padkreślivajecca ŭ zajavie. Deputaty taksama pryniali rašeńnie ab praviadzieńni refierendumu pa pytańni ŭvachodžańnia rehijona ŭ skład Rasii nie paźniej za 11 maja.
Kala budynka Danieckaj abłasnoj dziaržadministracyi prachodzić mitynh haradžan. Ludzi, jakija sabralisia skandujuć «Rasija, Rasija!». Vyviešany ŭčora kala budynka dziaržadministracyi ściah Rasii na fłahštoku zamianili vialikim pa pamiery».
Voś takoje paviedamleńnie źjaviłasia na sajcie ITAR-TASS.
Varta adznačyć, što deputaty Danieckaj abłrady pra abviaščeńnie nijakaj respubliki nie zajaŭlali. Adpaviednuju zajavu zrabili ludzi, jakija zachapili budynak i abviaścili siabie «Respublikanskim savietam Danieckaj narodnaj respubliki, składzienym z pradstaŭnikoŭ haradoŭ».
Paviedamleńnie ITAR-TASS pa svajoj stylistycy i formie nahadvaje tyja, jakimi supravadžaŭsia zachop Kryma. Jano moža aznačać, što Rasija hatovaja ŭvieści vojski ŭ Danbas.
