Fota twitter.com/KharkovPeople
Jak vyśvietliłasia, ukrainskija avijatary atrymali hrošy na paliva i pravodzili vučeńni.
Vajennyja samaloty, jakija kursujuć ŭ mirnym niebie nad centram Charkava da śmierci napałochali haradžan. U panicy ludzi vykazali zdahadku, što na ŭschod Ukrainy prarvalisia rasijskija avijatary i niaroŭny čas — pačnuć bambić.
U rehijanalnym miedyjacentry Minabarony śmiajucca: z dnia abvastreńnia palityčnaj situacyi pamiž Ukrainaj i Rasijaj ni adna adzinka vajennaj techniki nie pierasiakała miažu niesankcyjanavana. A ciapierašnija paloty — ni što inšaje jak vučeńni ŭkrainskich avijataraŭ. Na radaściach, što Kabmin vyłučyŭ 7 miljardaŭ hryŭnaŭ dla pavyšeńnia bojehatoŭnaści armii, lotčyki vyrašyli padniacca ŭ nieba i adtačyć navyki.
«Sapraŭdy, siońnia para vajennych samalotaŭ typu MiH-29 vykonvali płanavyja paloty nad uschodnimi rehijonami Ukrainy, — raźviejaŭ strachi načalnik Charkaŭskaha rehijanalnaha miedyja-centra Minabarony Dźmitryj Harbunoŭ. — Heta rabiłasia dla taho, kab udaskanalić umieńni, tamu bajacca niama čaho, samaloty našy».