Piačerski rajonny sud Kijeva daŭ dazvoł na zatrymańnie byłoha ministra ahrarnaj palityki i charčavańnia Ukrainy Mikałaja Prysiažniuka z metaj jaho pryvada dla ŭdziełu ŭ razhladzie chadajnictva ab ŭžyvańni miery strymańnia ŭ vyhladzie ŭtrymańnia pad vartaj.
Eks-ministr abvieščany ŭ vyšuk, paviedamlaje pres-słužba Hienieralnaj prakuratury Ukrainy.
«Hałoŭnaje śledčaje ŭpraŭleńnie Hienieralnaj prakuratury Ukrainy rasśleduje kryminalnuju spravu pa č. 5 art. 191 (prysvajeńnie, rastrata majomaści ŭ asabliva bujnych pamierach šlacham złoŭžyvańnia słužbovym stanoviščam, pa papiaredniaj zmovie hrupaj asob) Kryminalnaha kodeksu Ukrainy ŭ dačynieńni da byłoha ministra ahrarnaj palityki i charčavańnia Ukrainy Prysiažniuka», — havorycca ŭ paviedamleńni.
Eks-čynoŭnik padazrajecca ŭ zavałodańni srodkami Ahrarnaha fondu ŭ sumie amal 540 młn hrn, jakija byli vydzielenyja dziaržavaj dla zakupki abjektaŭ dziaržaŭnaha cenavaha rehulavańnia cukru-piasku.