U Mahilovie pry rabotach pa dobraŭparadkavańni rajona Padnikolla razburany kulturny słoj terytoryi i reštki starych budynkaŭ, zajaviŭ BiełaPAN staršynia abłasnoha savieta Mahiloŭskaha adździaleńnia Biełaruskaha dobraachvotnaha tavarystva achovy pomnikaŭ historyki i kultury Uładzimir Kraŭčanka.
«Rabotniki ŽKH, zaniatyja dobraŭparadkavańniem Padnikolla, padčas praviadzieńnia rabot viasnoj hetaha hoda paškodzili kulturny słoj i amal razburyli reštki padmurku i pamiaškańni pomnika architektury ChVIII stahodździa», — skazaŭ Kraŭčanka. Jon adznačyŭ, što da miesca razburanaha padmurku ciapier zvozicca śmiećcie z sumiežnaj terytoryi.
Pavodle jaho słoŭ, usia terytoryja, jakaja dobraŭparadkoŭvajecca, uvachodzić u histaryčny centr horada, jaki znachodzicca pad achovaj dziaržavy. Jość kryminalnaje i administracyjnaje zakanadaŭstva, jakoje nie dapuskaje razbureńnia pomnikaŭ arechitektury, adznačaje Kraŭčanka.
Jon skazaŭ, što ŭsie hetyja razbureńni źjavilisia paśla praviedzienaha 29 sakavia haradskoha subotnika. Ciapier u Padnikolli pracujuć bryhady kamunalnych słužbaŭ, jakija, pavodle ich słoŭ, nie viedajuć, što svaimi dziejańniami razburajuć historyka-kulturnuju spadčynu Mahilova, skazaŭ krajaznaŭca.
Zahadčyk kafiedry archieałohii i śpiecyjalnych histaryčnych dyscyplin Mahiloŭskaha dziaržaŭnaha ŭniviersiteta, člen Savieta Respubliki Nacyjanalnaha schodu Ihar Marzaluk maje namier naviedać najbližejšym časam miesca viadzieńnia dobraŭparadkavalnych rabot u Padnikolli. Ciapier jon znachodzicca ŭ kamandziroŭcy. Pavodle słoŭ Marzaluka, dobraŭparadkavańnie toj terytoryi pavinny tyčycca tolki vierchniaha słoju hleby i vydaleńnia niepatrebnaj raślinnaści, a pry bolš značnych ziemleŭparadkavalnych rabotach usio pavinna ŭzhadniacca z archieołahami.
