Anlijskuju vyvučyli, da psichołahaŭ schadzili — minskaja milicyja rapartuje pra hatoŭnaść da ČS-2014
Asabovy skład upraŭleńnia ŭnutranych spraŭ pa achovie Minskaha mietrapalitena hatovy da ŭzmocnienaha varyjantu niasieńnia słužby padčas čempijanatu śvietu pa chakiei. Stan pravaparadku budzie znachodzicca pad kruhłasutačnym kantrolem, zajaŭlajuć u hetym padraździaleńni milicyi.
«Usie my razumiejem, što čempijanat śvietu čakajuć nie tolki chakiejnyja balelščyki, ale i ludzi ź niadobrymi namierami. U hetaj suviazi asablivaja ŭvaha budzie nakiravana na praduchileńnie kišennych kradziažoŭ. Spartyŭnyja emocyi mohuć stać pieradumovami ŭźniknieńnia kanfliktnych situacyj, dziejańniaŭ chulihanskaha charaktaru, tamu ŭsie pasažyry staličnaj padziemki buduć znachodzicca pad pilnym nazirańniem. Asablivaja ŭvaha z pryčyny admieny vizavaha režymu na pieryjad praviadzieńnia spartyŭnaha forumu budzie nadadziena prablemie niezakonnaha abarotu narkatyčnych rečyvaŭ», — havorycca ŭ paviedamleńni UUS pa achovie mietro.
U metach pavyšeńnia kamunikatyŭnych navykaŭ supracoŭniki hetaha padraździaleńnia prajšli adpaviednuju linhvistyčnuju padrychtoŭku, atrymali nieabchodnyja viedy dla znosin z zamiežnymi haściami na zamiežnaj movie. Bolš za toje, kožny supracoŭnik upraŭleńnia prajšoŭ ahulnuju psichałahičnuju padrychtoŭku. Da chakiejnaha pieršynstva raspracavany praviły pavodzin padčas čempijanatu dla staličnych hramadzian i zamiežnych haściej.
Słužba biaśpieki Minskaha mietrapalitena taksama hatova zabiaśpiečyć paradak padčas ČS.
Dla zabieśpiačeńnia kantrolna-prapusknoha režymu na piaci stancyjach mietro stvorany śpiecyjalnyja zony nadhladu. Dla hetaha ŭstanoŭleny mietaładetektary ŭ vyhladzie ramki i skanier. Da 2015 hoda płanujecca stvareńnie takich zon na ŭsich stancyjach. Dla kantrolu biaśpieki ŭ mnohich vahonach elektraciahnikoŭ ustanoŭleny kamiery videanazirańnia. Bolš čym 1.000 videakamier ustanoŭlena na abjektach mietrapalitena, jašče stolki ž płanujecca ŭstanavić najbližejšym časam.
-
Łukašenka: Pryjšoŭ čas viarnucca na šlach narmalizacyi adnosin Biełarusi i ZŠA
-
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
-
«Adnu mianie pryvodzić u šalenstva, što za miažoj ja vyklučna IrYna?» Biełaruska aburajecca tranśliteracyjaj u pašparcie ź biełaruskaj movy
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu2
Kamientary