Pa faktach zaklikaŭ da parušeńnia terytaryjalnaj cełasnaści Ukrainy i źviaržeńnia kanstytucyjnaha ładu zarehistravana 145 kryminalnych spravaŭ, paviedamiŭ v.a. hienprakurora Ukrainy Aleh Machnicki padčas sustrečy z Hiensakratarom Savieta Jeŭropy Turbjernam Jahłandam.
Vykrytyja 53 čałavieki, jakija padazravajucca ŭ ździajśnieńni vyšejzhadanych złačynstvaŭ. Pra heta paviedamlaje pres-słužba Hienprakuratury Ukrainy, piša «Karespandent».
Machnicki taksama adznačyŭ, što «istotnaj ŭnutrypalityčnaj pahrozaj razam ź sieparatyzmam źjaŭlajecca karupcyja, bieź pieraadoleńnia jakoj niemahčyma pravieści zapłanavanyja reformy i adnavić cyvilizavanyja pryncypy funkcyjanavańnia dziaržavy».
«Tamu nami prymajucca ŭsie mahčymyja miery dla niedapuščeńnia nadalej karupcyjnych dziejańniaŭ rabotnikaŭ pravaachoŭnych orhanaŭ, sudovaj haliny ŭłady i inšych dziaržaŭnych orhanaŭ «, — adznačyŭ kiraŭnik Hienprakuratury.
Pavodle jaho słovaŭ, siońnia orhany prakuratury pavinny dać naležnuju pravavuju acenku dziejańniam byłoha kiraŭnictva dziaržavy, jakoje faktyčna pryviało Ukrainu da finansavaj katastrofy.
«Uličvajučy hetyja abstaviny, my ličym svaim prafiesijnym abaviazkam pryniaćcia nieabchodnych mier dla pošuku, aryštu i viartańnia niezakonna prysvojenych srodkaŭ, u tym liku aktyvaŭ byłoha kiraŭnictva, vyviedzienych z Ukrainy», — adznačyŭ Aleh Machnicki.
Jon taksama dadaŭ, što realizacyja hetych płanaŭ patrabuje nie tolki značnaha času i namahańniaŭ, ale i ciesnaha supracoŭnictva ŭkrainskich i zamiežnych pravaachoŭnych orhanaŭ, maksimalnaha ŭžyvańnia ekśpiertnaha patencyjału i vopytu instytutaŭ Rady Jeŭropy adnosna funkcyjanavańnia prakuratury. «Z hetaj metaj my budziem brać aktyŭny ŭdzieł u prajektach, praduhledžanych Płanam dziejańniaŭ Savieta Jeŭropy dla Ukrainy na 2011—2014 hh.», — reziumavaŭ v.a. hienieralnaha prakurora.
Nahadajem, 6 krasavika na ŭschodzie Ukrainy prajšli sieparatysckija mitynhi. U vyniku jakich prarasijskija aktyvisty zachapili abłasnyja administracyi ŭ Daniecku i Charkavie. U Łuhansku šturmam uziali SBU i zachapili filijał Nacbanka. Taksama byŭ zachopleny budynak SBU i ŭ Daniecku.
