Situacyja ŭ Danieckaj vobłaści vielmi składanaja — častka supracoŭnikaŭ milicyi pierajšła na bok sieparatystaŭ. Pra heta paśla pasiadžeńnia Kabmina Ukrainy paviedamiŭ pieršy vice-premjer Vital Jarema.
«Tam situacyja vielmi składanaja. My pastajanna na suviazi… Jość supracoŭniki milicyi, jakija adstojvajuć pazicyju ŭkrainskaj niezaležnaści i nijak nie supracoŭničajuć ź sieparatystami, a jość rabotniki milicyi, jakija načapili hieorhijeŭskija stužki i znachodziacca ŭ padparadkavańni sieparatystaŭ», — cytuje Jarema Liga.net.
Pavodle jaho słoŭ, kiraŭnik abłasnoha ŭpraŭleńnia milicyi vykonvaje svaje abaviazki ŭ adpaviednaści z prysiahaj. Na pytańnie, kolki administracyjnych budynkaŭ zachoplena na ŭschodzie Ukrainy, Jarema skazaŭ: «Jość zachoplenyja pamiaškańni orhanaŭ unutranych spraŭ, jak, naprykład, u Horłaŭcy, Kramatorsku, Słaviansku. U Maryŭpali zachoplena dziaržaŭnaja administracyja, a milicyja nie zachoplena».
«Što tyčycca samoha Daniecka, to ŭpraŭleńnie MUS znachodzicca pad kantrolem milicyi, ale načalnik UUS z vysiłkami moža patrapić na pracoŭnaje miesca, bo jano achoŭvajecca byłymi supracoŭnikami «Bierkuta», jakija prymali ŭdzieł u rasstrele Majdana, ale milicyja pracuje», — padsumavaŭ jon.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary