Partyju polskich jabłyk kanfiskavali z kramaŭ u Šviecyi. U hatunku Gala vyjavili vysokataksičnaje rečyva dymietaat. Polskaja kampanija, jakaja pastaviła ich u Skandynaviju, pradała taksama amal 30 ton jabłykaŭ Biełarusi i Rasii. Hetyja jabłyki možna znajści ŭ volnym prodažy na pryłaŭkach terytoryi našaj krainy.
Jak vyhladaje sort Gala (Hala, Hała)? Heta čyrvonabokija, nie plaskatyja, a kruhłyja jabłyki z davoli vyraznymi čyrvanavatymi pałoskami.
Jany nie poźnievosieńskija, tamu ciapier užo śpiełyja i pieraśpiełyja. Prablema ŭ tym, što sort Hała (novaziełandskaj sielekcyi, darečy) maje šmat padvidaŭ i mutantaŭ, trochi čyrvaniejšych ci bialejšych. Ale ŭsie jany zachoŭvajuć u niejkaj stupieni asnoŭnyja prykmiety.
Ci varta bajacca inšych mahazinnych jabłyk, polskich i niapolskich? Rychtyk u toj stupieni, u jakoj uvohule baiciesia kramnych praduktaŭ.
Navat u biełaruskich pramysłovych sadach jabłyni pyrskajuć piestycydami da 10 razoŭ za siezon. Ale ličycca, što heta nie škodzić čałavieku, bo atruta vyvietryvajecca. Viadoma ž, u svaim sadzie jabłyki lepšyja.