Pavieł Vinahradaŭ dumaje źjechać ź Minska na čas ČS pa chakiei
Kab znoŭ nie adpravicca za kraty.
Paśla 25 sutak aryštu. Fota Siarhieja Zinina.
Były palitviazień Pavieł Vinahradaŭ dva hady znachodzicca pad previentyŭnym nahladam, jaki pavinien skončycca 25 krasavika. Siońnia aktyvist naviedaŭ milicyju, kab čarhovy raz adznačycca i ŭdakładnić z nahdiadam.
«Nie viedaju, ci zdymuć — u milicyi nie kažuć. Ale źniać jaho moža tolki sud. I ja dumaju, što sud navat adbyŭsia ŭžo. Kali b mieli namier praciahnuć nahlad, to siońnia pryniali b ad mianie zajavu z prośbaj dazvolić vyjechać ź Minska na čas čempijanatu śvietu pa chakiei. Raniej takija zajavy prymali, a siońnia — nie».
Pavieł adznačaje, što pierad masavymi dziaržmierapryjemstvami, naprykład 3 Lipienia, jon staraŭsia pakinuć horad. Bo, jak pakazała praktyka, u takija dni aktyvista adpraŭlali na administracyjnyja aryšty pad roznymi pryčynami: kab nie zładziŭ nijakich vuličnych akcyj.
«I jak ja razumieju, 24 krasavika, u dzień svajho naradžeńnia, pajdu adznačycca ŭ milicyju, a 25 zajdu, kab źniacca z uliku. Kali da siońnia ja na sto pracentaŭ źbiraŭsia pakinuć Minsk na čas ČS pa chakiei, kab nie adpravicca za kraty, to ciapier tolki ź vialikaj dolaj vierahodnaści źjedu».
Pavieł Vinahradaŭ — lidar maładziožnaha kryła kampanii «Havary praŭdu» — «Zmiena». 7 krasavika jon vyzvaliŭsia z čarhovaha administracyjnaha aryštu — pravioŭ za kratami 25 sutak: nibyta za drobnaje chulihanstva i niepadparadkavańnie supracoŭnikam milicyi.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary