Majskaje nadvorje pryjdzie ŭ Biełaruś u bližejšyja vychadnyja, paviedamiła hałoŭny sinoptyk Respublikanskaha hidramieteacentra Ludmiła Paraščuk.
Tym časam u susiedniaj Vilni vielmi rana zaćviła sakura, fota Elena Grimalienė
«Paśla daždžoŭ, jakija išli na terytoryi krainy ź pieršych dzion biahučaha tydnia, uładu nad nadvorjem uziaŭ antycykłon z Zachodniaj Jeŭropy, — dadała śpiecyjalist. — Siońnia jaho centr pieramiaściŭsia na Biełaruś — i daždžy spynilisia. Pry słabym vietry na bolšaj častcy terytoryi krainy jarka zaśviaciła sonca».
Pavodle słoŭ hałoŭnaha sinoptyka, u bližejšyja sutki, 18 krasavika, antycykłon pieramieścicca na susiednija vobłaści Rasii. Na paŭdniovy ŭschod Biełarusi z uschodnich rajonaŭ Ukrainy pačnie pastupać bolš ciopłaje vilhotnaje pavietra. U asobnych rajonach projduć karotkačasovyja daždžy, dniom dzie-nidzie mahčymy navalnicy. Nočču i ranicaj miescami zhuścicca słaby tuman. Tempieratura pavietra ŭnačy składzie plus 1-7 hradusaŭ, pa paŭnočnym uschodzie pry prajaśnieńniach budzie ad 0 da 3 hradusaŭ sa znakam minus, dniom pavietra prahrejecca da plus 11-16 hradusaŭ, u paŭdniovych rajonach — da 18.
Ludmiła Paraščuk taksama adznačyła, što ciopłaje pavietra pradoŭžyć pastupać na terytoryju krainy i ŭ vychadnyja.
«Pry hetym na bolšaj častcy terytoryi Biełarusi apadkaŭ nie prahnazujecca, tolki miescami pa poŭdni projduć karotkačasovyja daždžy, u asobnych rajonach mahčymy navalnicy. Tempieratura pavietra ŭnačy składzie plus 4-10 hradusaŭ, dniom čakajecca ad 14 da 21 sa znakam plus.
«Krychu dyskamfortu dadaść paryvisty viecier», - skazała pradstaŭnik hidramieteacentra.
U pačatku nastupnaha tydnia ciopłyja pavietranyja masy ŭsio jašče buduć upłyvać na ŭmovy nadvorja, ale atmaśfierny cisk pačnie padać.
U suviazi z hetym miescami čakajucca karotkačasovyja daždžy, mahčymy navalnicy. Tempieratura pavietra ŭnačy składzie plus 5-11 hradusaŭ,
dniom budzie 14-20 ciapła, u asobnych rajonach pavietra prahrejecca da 22 hradusaŭ.
«Taki tempieraturny fon bolš adpaviadaje druhoj pałavinie maja», - padkreśliła Ludmiła Paraščuk.
