Jak paviedamiŭ hienieralny pradziusar filma «Aviel» Siarhiej Ždanovič, kantrakt padpisany. Ale chto heta, budzie ahučana tolki praź miesiac — 18 maja na Kanskim kinafiestyvali. Tam budzie pakazany i trejler da stužki.
«Vy budziecie zadavoleny mastackim składnikam filma»,
— zaŭvažyŭ Ždanovič.
Nahadajem, film «Aviel» zdymajecca pa zamovie Ministerstva kultury. Režysior — Uiljam Devital.
Raniej paviedamlałasia, što rolu amierykanskaj žurnalistki prapanavali Šeran Stoŭn. Ale heta nichto nie paćvierdziŭ.
Film pačali zdymać u studzieni 2014. Siarod zaprošanych akcioraŭ, Eryk Robierts (rodny brat Džulii Robierts), Uładzimir Haściuchin, Jaŭhien Šmarłoŭski, Alaksiej Sierabrakoŭ.
U stužcy rekanstrujavali Płošču-2010. Praŭda, užo padčas zdymaŭ admovilisia vykarystoŭvać bieł-čyrvona-biełyja ściahi, kab, pa słovach Ždanoviča, nie stvarać palityčnaj afarboŭki. A zatym uvohule pačali admaŭlać prynaležnaść mienavita da padziej paśla prezidenckich vybaraŭ. Mienavita sa zdymkaŭ «Aviela» pajšła ŭ narod fraza «Niešta nie tak».
Hladzicie taksama: Scenaryst «Aviela»: «Padziei Płoščy ja adsočvaŭ u Łos-Andželesie ŭ režymie realnaha času»
