02.11.2007
/ 09:36 / Ałharytmičny łacinski varyjant
Eŭrapasły ŭšanujuć pamiać achviaraŭ stalinizmu ŭ Kurapatach
Siońnia kiraŭniki misij Eŭrapiejskaha Źviazu ŭ Miensku ŭskładuć kvietki i zapalać śviečki va ŭročyščy Kurapaty — adnym ź miescaŭ masavaha pachavańnia achviar stalinskich represij.
2 listapada, u dzień tradycyjnaha paminańnia niabožčykaŭ, kiraŭniki misij Jeŭrapiejskaha Sajuza ŭ Minsku, ich siemji i inšyja čalcy dypłamatyčnaha korpusu ŭskładuć kvietki i zapalać śviečki va ŭročyščy Kurapaty — adnym ź miescaŭ masavaha pachavańnia achviar stalinskich represij.
Jak adznačajecca ŭ paviedamleńni ambasady Słavackaj Respubliki, jakaja vykonvaje funkcyi miascovaha staršynstva ES, «hetym cichim uspaminam dypłamaty ušanujuć 70‑iu nadavinu piku represij suprać biaźvinnych biełarusaŭ, palakaŭ, ruskich, jaŭrejaŭ i ludziej inšych nacyjanalnaściaŭ Biełarusi, jakija stracili svaje žyćci abo pieraśledvalisia ŭ XX stahodździ, addaŭšy taksama daninu pamiaci svaim rodnym niabožčykam».
Nahadajem, 29 kastryčnika pradstaŭniki hramadskaści adznačyli Dzień pamiaci achviar stalinskich represij. Jon byŭ zasnavany hramadskim arhkamitetam pa ŭviekaviečańni pamiaci achviar stalinizmu ŭ pamiać ab padziejach 1937 hoda. Demakraty praviali ŭ Kurapatach pamiatnyja mierapryjemstvy, adnavili va ŭročyščy Kryž pakut i łavu Klintana. 28 kastryčnika ŭ stalicy adbylisia šeście i mitynh, prymierkavanyja da Dziadoŭ.
Radyjo Racyja