U paniadziełak, kala 12:00, na mera Charkava Hienadzia Kierniesa byŭ ździejśnieny zamach.
Kiernies byŭ dastaŭleny ŭ balnicu chutkaj i nieadkładnaj dapamohi, dzie jaho praapieryravali. U jaho ciažkaje ranieńnie hrudnoj kletki i brušnoj połaści. Pra heta na bryfinhu paviedamiŭ žurnalistam dyrektar Instytuta chirurhii prafiesar Valeryj Bojka. Apieracyja doŭžyłasia kala 2-ch hadzin. Ciapier Kiernies znachodzicca ŭ ciažkim stanie.
V.a. prezidenta Ukrainy Alaksandr Turčynaŭ daručyŭ MUS i SBU nieadkładna pravieści rasśledavańnie zamachu na žyćcio mera Charkava i dałažyć ab vynikach.
Zamach na Kierniesa byŭ ažyćcioŭleny strełam sa snajpierskaj vintoŭki Drahunova. Zamach moža być źviazany z žadańniem destabilizavać abstanoŭku ŭ Charkavie, bo ŭ apošni čas Kiernies sprabavaŭ nie dapuścić u horadzie sieparatysckaha scenara, realizavanaha ŭ inšych haradach na ŭschodzie krainy.
Jak paviedamlaje kiraŭnik Nacyjanalnaj teleradyjokampanii Ukrainy, charkaŭčanin Zurab Ałasanija na svajoj staroncy ŭ Facebook, napad adbyŭsia, kali Kiernies kupaŭsia ŭ krynicy Saržynym Jary.
«RF vyznačaje i likviduje klučavyja kropki supracivu», — ličyć Ałasanija.