U metach zachavańnia makraekanamičnaj stabilnaści biełaruskim uładam treba admovicca ad praktyki pavyšeńnia zarpłat u hetym hodzie, zajaviŭ kiraŭnik misii MVF Devid Chofman na pres-kanfierencyi 28 krasavika.
Dla źmiakčeńnia «ryzyk nieŭparadkavanaj karekciroŭki źniešnich dysbałansaŭ patrabujecca nieadkładna realizavać bolš rašučyja źmianieńni» ŭ ekanamičnaj palitycy, skazaŭ jon.
«U pryvatnaści, u metach strymlivańnia ŭnutranaha popytu i skaračeńnia dysbałansaŭ metavaje kredytavańnie nieabchodna skaračać značna chutčej, čym praduhledžvajecca ciapier, i nie treba dalej pavyšać zarabotnuju płatu ŭ hetym hodzie», — padkreśliŭ Devid Chofman.
Akramia taho, dadaŭ jon, uradu nieabchodna pravodzić dastatkova žorstkuju biudžetna-padatkovuju palityku, a Nacbanku — dapuskać bolš značnuju hnutkaść abmiennaha kursu, adnačasova ŭzmacniajučy žorstkaść hrašova-kredytnaj palityki.
«Miž tym, Nacbanku treba dakładna adsočvać ryzyki ŭ bankaŭskim siektary, u tym liku i ŭ śviatle rostu kredytaŭ, jakija nie absłuhoŭvajucca, i intensifikavać pracu pa strymlivańni rostu valutnych kredytaŭ, što vydajucca niechiedžyravanym pazyčalnikam», — skazaŭ kiraŭnik misii MVF.
Jon taksama adznačyŭ, što dla stymulavańnia ŭstojlivaha rostu pa-raniejšamu patrabujecca realizacyja hłybokich strukturnych reform u biełaruskaj ekanomicy.
«Misija vitaje niadaŭnaje skaračeńnie kolkaści tavaraŭ, što padlahajuć cenavomu kantrolu, ale važna budzie padtrymać hetyja namahańni za košt intensifikacyi reform pa inšych kirunkach, kab palepšyć ahulnaje raźmierkavańnie resursaŭ», — rekamiendavaŭ pradstaŭnik MVF.
Da kankretnych krokaŭ u hetym kirunku jon adnios «farmiravańnie płana dasiahnieńnia poŭnaha kampiensavańnia zatrat za košt taryfaŭ na žyllova-kamunalnyja pasłuhi i pasłuhi transpartu z dakładna ŭstanoŭlenymi terminami realizacyi mierapryjemstvaŭ».
Taksama nieabchodny, skazaŭ Chofman, «kankretnyja kroki pa skaračeńni roli dziaržavy ŭ ekanomicy, što pavinna ŭklučać u siabie chutkuju paetapnuju admovu ad sistemy abaviazkovych metavych pakazčykaŭ dla pradpryjemstvaŭ i płany pa pryvatyzacyi, jakija zasłuhoŭvajuć davieru».