U Biełarusi ŭ 2014 hodzie stali radziej žanicca i radziej razvodzicca, paviedamiła pres-sakratar Nacyjanalnaha statystyčnaha kamiteta Volha Kłaŭsuć.
Za studzień—sakavik hetaha hoda zarehistravana 14 tys. 739 šlubaŭ. Kolkaść novych siamiejnych sajuzaŭ źmienšyłasia na 11,6% u paraŭnańni sa studzieniem—sakavikom minułaha hoda. Na 1000 žycharoŭ krainy ŭ hetym hodzie zaklučana 6,3 šlubu, a ŭ studzieni—sakaviku minułaha hoda hety pakazčyk byŭ 7,1.
Pavodle apieratyŭnych statystyčnych dadzienych, u krainie źnižajecca kolkaść razvodaŭ: u studzieni—sakaviku 2014 hoda skasavana 8 tys. 659 šlubaŭ suprać 8 tys. 835 u studzieni—sakaviku 2013 hoda. Razvodaŭ stała mienš na 2%. Pakazčyk razvodaŭ paniziŭsia adpaviedna z 3,8 na 1000 žycharoŭ da 3,7 pramile. Adnak šlubaŭ pamienieła jašče bolej, tamu praporcyja kolkaści šlubaŭ da razvodaŭ pahoršała.
Volha Kłaŭsuć adznačyła, što ŭ Biełarusi niekalki pahoršylisia suadnosiny rehistrujemych i skasavanych šlubaŭ: u studzieni—sakaviku 2014 hoda na 1000 šlubaŭ prypadała 587 razvodaŭ, a ŭ studzieni—sakaviku 2013 było 530 razvodaŭ.
