U Minsku 29 krasavika adbyłosia pasiadžeńnie Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ Biełarusi, Kazachstana i Rasii.
Da pačatku pasiadžeńnia kiraŭniki dziaržaŭ amal dźvie hadziny razmaŭlali ŭ niefarmalnaj abstanoŭcy pa ekanamičnych prablemach i pa niekatorych pytańniach mižnarodnaj abstanoŭki.
Paradak dnia pasiadžeńnia ŭklučaŭ dźvie važnyja temy: praca nad prajektam damovy ab Jeŭrazijskim ekanamičnym sajuzie i realizacyja płana mierapryjemstvaŭ, tak zvanaj darožnaj karty, pa dałučeńni Armienii da Mytnaha sajuzu i Adzinaj ekanamičnaj prastory Biełarusi, Kazachstana i Rasii.
«Nam prapanujuć siońnia pakinuć niavyrašanymi tyja prablemy, jakija treba było b vyrašyć jašče na papiarednich etapach. Na našu ćviordym pierakanańni, my pavinny vychodzić na kankretnyja rubiažy, adnym ź jakich źjaŭlajecca paŭnafarmatny Mytny sajuz. Siarod jaho členaŭ nie pavinna być nijakich abmiežavańniaŭ u ruchu tavaraŭ, jakimi b adčuvalnymi jany ni byli», — źviarnuŭsia Łukašenka da ŭdzielnikaŭ sustrečy.
«Padychody, jakija zajaŭlajucca ŭ pracesie pieramovaŭ, vyklikajuć šmat pytańniaŭ. Navatarskija prapanovy pa terminach realizacyi damoŭlenaściej praz 10 hadoŭ, heta značyć da 2025 hoda, pa mienšaj miery hučać dziŭna. Kali my nie hatovyja prymać miery ciapier, dyk heta treba adkryta pryznać», — ličyć kiraŭnik biełaruskaj dziaržavy.
«Mnie zdajecca, tady i havaryć pra Jeŭrazijski ekanamičny sajuz treba hadoŭ praź dziesiać, kali my siońnia nie hatovyja», — adznačyŭ Łukašenka.
«Nas nichto nie šturchaje ŭ śpinu, usie hrafiki my ŭstaloŭvajem sami, ale, mnie zdajecca, pieratvarać intehracyju ŭ praces dziela pracesu pa pryncypie: hałoŭnaje nie vynik, a ŭdzieł — dumaju, nam heta nie treba», — skazaŭ jon.
«1 studzienia 2015 my pavinny budziem adkazać na pytańni našych hramadzian: kudy my pryjšli, što ŭ vyniku atrymali našy dziaržavy. Adkazy ŭ nas pavinny być», — padkreśliŭ Alaksandr Łukašenka.
Prezident Kazachstana Nursułtan Nazarbajeŭ vykazaŭ upeŭnienaść, što roznahałośsi na šlachu stvareńnia Jeŭrazijskaha ekanamičnaha sajuza mahčyma pieraadoleć.
Prezident Rasii Uładzimir Pucin taksama pryznaŭ najaŭnaść niavyrašanych pytańniaŭ pa stvareńni JEAES, adnak vykazaŭ upeŭnienaść, što pa ich možna dadatkova pracavać i znajści kampramis.
Pa vynikach pasiadžeńnia kiraŭniki dziaržaŭ daručyli zaviaršyć prapracoŭku ŭsich niuansaŭ damovy ab Jeŭrazijskim ekanamičnym sajuzie ŭ bližejšy čas, kab dakumient byŭ pradstaŭleny na padpisańnie na samicie «trojki» u Astanie 29 traŭnia.
Takaja zadača pastaŭlena pierad Jeŭrazijskaj ekanamičnaj kamisijaj i ŭradami troch krain.
U prajekcie damovy ab Jeŭrazijskim ekanamičnym sajuzie sfarmulavanaja bazavaja kanstrukcyja enierhietyčnaha rynku, jakaja praduhledžvaje nastupnaje.
Baki damovilisia, što nie paźniej za 2025 hod pačnuć funkcyjanavać ahulnyja rynki nafty, naftapraduktaŭ, hazu.
Ahulny rynak elektraenierhii pačnie pracavać ledź raniej za hety termin, pakolki da jaho ŭžo rychtavali na praciahu dvuch hadoŭ. U 2016 hodzie prezidenty zaćvierdziać kancepcyju pa farmiravańni kožnaha z hetych rynkaŭ: nafty, naftapraduktaŭ, hazu. U 2018 budzie zaćvierdžana prahrama pa farmiravańni hetych rynkaŭ.
Kab zapuścić pracu ahulnych rynkaŭ, spatrebicca padpisańnie śpiecyjalnych mižnarodnych dahavoraŭ, jakija prapisany ŭ prajekcie damovy ab Jeŭrazijskim ekanamičnym sajuzie.
Da 2025 hoda pytańni, źviazanyja z uzajemadziejańniem u śfiery nafty, naftapraduktaŭ i hazu, buduć urehulavany ŭ adpaviednaści ź dziejučymi pahadnieńniami ad 2010 hoda i z dadatkovymi dvuchbakovymi damoŭlenaściami, jakija buduć dziejničać da daty farmiravańnia ahulnaha rynku.
Što tyčycca damovy ab dałučeńni Armienii da MS i AEP, to dakumient budzie padrychtavany da 1 červienia i vyniesieny na razhlad kiraŭnikoŭ dziaržaŭ na pasiadžeńni Vyšejšaha Jeŭrazijskaha ekanamičnaha savieta, jakoje adbudziecca 29 maja ŭ Astanie.
U hety ž dzień, napiaredadni samitu, adbyłasia dvuchbakovaja sustreča Alaksandra Łukašenki i Nursułtana Nazarbajeva.
Paviedamlałasia, što kiraŭniki dziaržaŭ abmianialisia dumkami ab pierśpiektyvach stvareńnia Jeŭrazijskaha ekanamičnaha sajuza.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary