Słužbaj biaśpieki Ukrainy atrymanyja dokazy kaardynacyi i niepasrednaha ŭpłyvu rasijskaha boku na situacyju vakoł zachopu členaŭ vajennaj viersifikacyjnaj misii krain-udzielnic ABSIE.
Pra heta paviedamiła pres-słužba SBU.
«Niahledziačy na zajavy rasijskaha boku pra toje, što adkaznaść za zachop zakładnikaŭ lažyć na Ukrainie, zapis telefonnaj razmovy pamiž śpiecyjalnym pradstaŭnikom prezidenta RF Uładzimiram Łukinym i lidaram uzbrojenych terarystaŭ «Strełkom» Iharam Hirkinym (Strałkovym) śviedčyć pra toje, što aficyjny rasijski bok kaardynuje dziejańni bajevikoŭ i maje niepasredny ŭpłyŭ na ich rašeńni», — havorycca ŭ paviedamleńni.
A «aktyŭny ŭdzieł rasijskaj delehacyi ŭ vyzvaleńni zamiežnych zakładnikaŭ — nie bolš, čym insceniroŭka, — zajaŭlajuć u pres-słužbie.
Heta paćviardžaje apublikavany aŭdyjozapis:
Jak viadoma, 25 krasavika sieparatysty Słavianska ŭziali ŭ pałon inśpiekcyjnuju hrupu, jakaja pracavała va Ukrainie zhodna z rašeńniem ABSIE pa Vienskamu dakumientu-2011 ab mierach umacavańnia davieru i biaśpieki.
U skład hrupy z vaśmi čałaviek uvajšli čatyry pradstaŭniki FRH i pa adnym sa Šviecyi, Polščy, Danii i Čechii. Paźniej vajenny naziralnik ABSIE z Šviecyi Inhvi Tomas Jochansan byŭ vyzvaleny.