Pamiž Biełaruśsiu i Rasijaj niama nievyrašalnych pytańniaŭ, zajaviŭ Alaksandr Łukašenka 7 maja na sustrečy ŭ Maskvie z premjer-ministram RF Dźmitryjem Miadźviedzievym.
«U nas niama nievyrašalnych pytańniaŭ, nam treba tolki nie spyniacca i ruchacca napierad».
Jon adznačyŭ, što Biełaruś, Rasija i Kazachstan znachodziacca napiaredadni važnaj padziei — padpisańnia damovy ab stvareńni Jeŭrazijskaha ekanamičnaha sajuza.
Mienavita Miadźviedzieŭ, budučy prezidentam Rasii, staviŭ svoj podpis pad damovaj ab stvareńni Mytnaha sajuza, nahadaŭ Łukašenka. «I kali b tady nie žadańnie i vola Rasii, našaha sajuza b nie było», — dadaŭ jon.
U svaju čarhu premjer RF zajaviŭ, što biełaruskaje i rasijskaje supracoŭnictva pastajanna ruchajecca napierad, baki ŭzajemadziejničajuć u ramkach Sajuznaj dziaržavy i Mytnaha sajuza. «Našy dvuchbakovyja adnosiny vyklučna važnyja, tym bolš na fonie ekanamičnaj situacyi ŭ śviecie i Jeŭropie», — padkreśliŭ Miadźviedzieŭ.
Z pracoŭnym vizitam u Maskvu Łukašenka adpraviŭsia 7 maja. 8 maja tam projdzie niefarmalnaja sustreča prezidentaŭ Rasii, Biełarusi, Armienii, Kyrhyzstana i Tadžykistana.
«U ramkach mierapryjemstva zapłanavana prysutnaść kiraŭnikoŭ dziaržaŭ na treniroŭcy pa kiravańni ŭzbrojenymi siłami Rasijskaj Fiederacyi. Miarkujecca taksama praviadzieńnie dvuchbakovych hutarak prezidenta Rasii z šeraham kiraŭnikoŭ dziaržaŭ», — paviedamiła pres-słužba Kramla.
