Alaksandr Łukašenka 7 maja padpisaŭ ukaz № 214 «Ab raźvićci haradoŭ-spadarožnikaŭ».
Jak paviedamlaje pres-słužba prezidenta, dakumientam u pravavym staŭleńni ŭrehulavana pytańnie stvareńnia haradoŭ-spadarožnikaŭ i vyznačany status horada-spadarožnika, jaki moža być nadadzieny horadu abłasnoha abo rajonnaha padparadkavańnia, haradskoha pasiołka, raźmieščanaha ŭ pryharadnaj zonie Minsku ci abłasnych centraŭ na adlehłaści nie bolš za 60 km.
Śćviardžajecca, što prapanovy ab nadańni statusu horada-spadarožnika nasielenym punktam ŭnosiacca na razhlad prezidenta Biełarusi Savietam ministraŭ na padstavie chadajnictvaŭ Minharvykankama, abłvykankamaŭ i z ulikam dziaržaŭnaj schiemy kompleksnaj terytaryjalnaj arhanizacyi Respubliki Biełaruś. Hienieralnyja płany haradoŭ-spadarožnikaŭ zaćviardžaje kiraŭnik dziaržavy.
U adpaviednaści z ukazam status horada-spadarožnika Minska nadajecca haradam Dziaržynsk, Zasłaŭje, Łahojsk, Smalavičy, Fanipal i h.p. Rudziensk. Status horada-spadarožnika Bresta nadadzieny Žabincy, a horada-padarožnika Hrodna — Skidzielu.
U paviedamleńni tłumačycca, što dadzienyja nasielenyja punkty adpaviadajuć kryteram, što pradjaŭlajucca da haradoŭ-spadarožnikaŭ, jany raźmieščany ŭ pryharadnaj zonie Minska, Bresta i Hrodna, majuć transpartnuju infrastrukturu. Stvorany ŭ h.p. Rudziensk enierhietyčny centr vałodaje patencyjałam dla aktyŭnaha vytvorčaha raźvićcia prylehłych terytoryj i źjaŭlajecca asnovatvornym dla dalejšaha farmiravańnia jaho jak horada -spadarožnika.
Ukazam rehłamientujucca pytańni budaŭnictva žyłych pamiaškańniaŭ u šmatkvaternych, błakiravanych žyłych damach, budaŭnictva adnakvaternych žyłych damoŭ u horadzie-spadarožniku.
Normami ŭkaza praduhledžana taksama raspracoŭka kancepcyi raźvićcia horada-spadarožnika ŭ składzie prahramy sacyjalna-ekanamičnaha raźvićcia adpaviednaj vobłaści. U kancepcyi raźvićcia horada-spadarožnika buduć adlustravanyja pytańni, jakija tyčacca vyznačeńnia śpiecyjalizacyj dziejnaści arhanizacyj, raźmieščanych na terytoryi horada-spadarožnika abo płanavanych da raźmiaščeńnia, asablivaściaŭ raźvićcia sacyjalna-kulturnaj śfiery, uklučajučy normy sacyjalnaha absłuhoŭvańnia nasielnictva, u tym liku taho, što pražyvaje na prylehłych terytoryjach, kirunkaŭ raźvićcia rehijanalnaha transpartnaha absłuhoŭvańnia, raźmierkavańnia zaniataści nasielnictva, prahnoznych paramietraŭ jaho kolkaści, padrychtoŭki i pierapadrychtoŭki pierśpiektyŭnych kadraŭ dla novych vytvorčaściaŭ.
