Pieršy modul dla biełaruskaj antarktyčnaj stancyi płanujecca dastavić na ledziany kantynient vosieńniu hetaha hoda, paviedamiŭ siońnia žurnalistam namieśnik načalnika Respublikanskaha centra palarnych daśledavańniaŭ Nacyjanalnaj akademii navuk, kiraŭnik biełaruskaj antarktyčnaj ekśpiedycyi Alaksiej Hajdašoŭ.
Płanujecca, što budaŭnictva palarnaj stancyi zavieršycca ŭ 2018 hodzie. Moduli dla budaŭnictva abjekta buduć vyrableny ŭ Biełarusi. «Dla dastaŭki modulaŭ na placoŭku, vybranuju dla budaŭnictva budučaj stancyi, rasiejcy vykarystoŭvajuć svaju transpartna-łahistyčnuju schiemu «, — udakładniŭ Alaksiej Hajdašoŭ. Heta praduhledžana mižuradavym pahadnieńniem ab supracoŭnictvie ŭ Antarktycy pamiž Biełaruśsiu i Rasijaj.
Pieravaha zadumanaj schiemy — jana abydziecca krainie tańniej, čym u vypadku dastaŭki modulaŭ ułasnymi siłami.
«Pa-pieršaje, hruz budzie spadarožnym. Rasijskija daśledčyki sami pa sabie płanujuć nakiravacca ŭ rajon Antarktydy, dzie ŭ pierśpiektyvie budzie budavacca biełaruskaja stancyja. Pa-druhoje, budzie vykarystoŭvacca mahutnaja rasijskaja avijacyjnaja technika, što daść mahčymaść paźbiehnuć kapitalnaha budaŭnictva, — padkreśliŭ Alaksiej Hajdašoŭ. — Z karabla moduli buduć dastaŭlacca na miesca ŭstanoŭki viertalotami i adrazu ž manciravacca. Pry hetym nie pryjdziecca zadziejničać buldoziery, padjomnyja krany, inšuju techniku».
Płanujecca, što kožny hod na placoŭku, vybranuju dla budaŭnictva stancyi, budzie dastaŭlacca niekalki modulaŭ.
U hetym siezonie biełaruskija palarniki pracavali na rasijskaj stancyi «Prahres», jakaja susiedničaje z aŭstralijskaj, indyjskaj, kitajskaj.
«U rozny čas biełaruski ściah ŭzdymałasia na kožnaj z hetych stancyj, — adznačyŭ kiraŭnik ekśpiedycyi. — Na ŭsich stancyjach my pabyvali z pracoŭnymi vizitami. Pry znajomstvie raspaviadali zamiežnym kaleham ab pracy, jakuju Biełarusy viaduć u Antarktydzie. Haspadary stancyj dzialilisia infarmacyjaj ab svaich daśledavańniach».
Akramia taho, ściahi Biełarusi i Nacyjanalnaj akademii navuk 31 śniežnia 2013 hoda byli padniatyja na rasijskaj na stancyi «Uschod» (Paŭnočny polus). «Dla dastaŭki znakaŭ da miesca pryznačeńnia byŭ arhanizavany śpiecyjalny rejs», — skazaŭ Alaksiej Hajdašoŭ.
