Alaksandr Łukašenka zasłuchaŭ dakład ab situacyi ŭ pieryjad praviadzieńnia čempijanatu śvietu pa chakiei ŭ Minsku.
Učora Łukašenka naviedaŭ matč Kanada — Šviecyja, što prajšoŭ u «Čyžoŭka-Arenie», fota BiełTA
Kiraŭnik dziaržavy, u pryvatnaści, pacikaviŭsia pytańniami biaśpieki, miedycynskaha absłuhoŭvańnia i dalejšymi pierśpiektyvami vystupleńnia biełaruskaj zbornaj na hetym pieršynstvie.
Łukašenka zapatrabavaŭ dałažyć jamu ab arhanizacyjnym baku praviadzieńnia čempijanatu śvietu. «Jak arhanizavana mierapryjemstva, ci jość pretenzii, pytańni ŭ hetym płanie», - pacikaviŭsia kiraŭnik dziaržavy.
Asobna Alaksandr Łukašenka akcentavaŭ uvahu na pytańniach miedycynskaha absłuhoŭvańnia haściej suśvietnaha pieršynstva.
«Ja tak razumieju, my dazvolili ŭjezd hramadzianam zamiežnych dziaržaŭ bieź miedycynskaj strachoŭki. Heta značyć, usialakija mierapryjemstvy pa ich stanie zdaroŭja pravodziacca za dziaržaŭny košt. Na jakim uzroŭni my tut pracujem, ci byli takija zvaroty, jakija vodzyvy?» - zapytaŭ Prezident.
Anałahična kiraŭnik dziaržavy pacikaviŭsia situacyjaj u zabieśpiačeńni biaśpieki pry praviadzieńni čempijanatu, tym, jak pracuje milicyja i inšyja śpiecyjalnyja słužby.
«I, samaje hałoŭnaje, - hulnia zbornaj. Jak viadoma, siońnia klučavy matč u biełaruskaj zbornaj (z kamandaj Łatvii)», - adznačyŭ Alaksandr Łukašenka.
«Prajhrajem, značyć, my svajo žyćcio značna ŭskładnim i, mahčyma, zavieršym naša vystupleńnie na hetym čempijanacie śvietu. I zmažam usio, što było zroblena dobraha, sapsujem nastroj našym ludziam», - adznačyŭ kiraŭnik dziaržavy.
