Biełaruskaje Ministerstva zamiežnych spraŭ nastojliva rekamienduje suhramadzianam pry płanavańni pajezdak u Tajłand uvažliva adsočvać najaŭnuju ŭ adkrytym dostupie infarmacyju ab raźvićci situacyi ŭ hetaj dziaržavie, havorycca ŭ paviedamleńni, raźmieščanym na sajcie MZS.
U vypadku mahčymaha abvastreńnia situacyi biełarusam rekamiendujecca ŭstrymlivacca ad naviedvańnia Tajłanda da narmalizacyi stanovišča ŭ krainie.
Jak paviedamlajuć zamiežnyja ŚMI, 20 maja armija Tajłanda abjaviła pra ŭviadzieńnie vajennaha stanovišča. Taki krok byŭ zrobleny dla padtrymańnia pravaparadku ŭ krainie, achoplenaj palityčnym kryzisam.
Apazicyja ź listapada 2013 hoda dabivajecca adchileńnia ad ułady premjer-ministra Jinhłak Čynavat i stvareńnia narodnaha savieta, jaki budzie vykonvać funkcyi ŭrada.
Demanstranty paabiacali naładzić «finalnuju bitvu» ŭ najbližejšyja dni. Lidary pratestu zajmajuć kryło ŭradavaj štab-kvatery. Kolkaść achviar kanfliktu aceńvajecca ŭ 28 čałaviek.
