U 10-m vypusku 7-ha siezona prahramy «Raśśmiašy komika» biełarus z Baranavič Ivan Kazak zdoleŭ dajści da finału i svaimi žartami zarabić 50 tysiač hryŭniaŭ. Ivan raskazaŭ, što raniej pracavaŭ inžynieram-technołaham na zavodzie «Intehrał», ale ŭžo bolš za hod jak biespracoŭny. Pavodle jaho słoŭ, jon zarablaje na žyćcio žartami.
Pieradača była pakazana 17 maja 2014 hoda.
«Raśśmiašy komika» — narodnaja zabaŭlalnaja prahrama, u jakoj luby čałaviek, jaki vałodaje kamičnym talentam, maje mahčymaść zarabić hrošy. Raśśmiašyć treba ludziej, jakija prafiesijna zajmajucca humaram — Jaŭhienija Kašavoha i Uładzimira Zialenskaha. Nijakich žorstkich praviłaŭ, nijakich surjoznych abmiežavańniaŭ: prymusiŭ komikaŭ śmiajacca — atrymaj hrošy!
Praviły: Vystup kožnaha ŭdzielnika prachodzić u piać etapaŭ. Kožny etap doŭžycca adnu chvilinu. Kali paśla prachodžańnia luboha z etapaŭ pretendentu ŭdałosia raśśmiašyć komikaŭ ci chacia b vyklikać u ich lohkuju ŭśmiešku, jon maje mahčymaść admovicca ad dalejšaj baraćby i zabrać svoj biahučy vyjhryš u adnu, piać, dziesiać ci dvaccać tysiač hryŭniaŭ. Tyja, chto budzie zmahacca da kanca, atrymajuć mahčymaść zarabić cełych piaćdziesiat tysiač hryŭniaŭ. Ale kali pa zakančeńni chviliny komiki strymalisia ad uśmieški, udzielnik pakidaje prajekt ni z čym.
X
