Jak paviedamili haziecie «Rajonnyja budni» ŭ Śledčym kamitecie, uviečary 16 maja ŭ lesie kala vioski Šubičy miascovyja žychary znajšli trup žančyny z prykmietami hvałtoŭnaj śmierci. Pa hetym fakcie zaviedziena kryminalnaja sprava pa častcy 1 artykuła 139 KK RB.
Jak raspaviali «Salidarnaści» susiedzi zabitaj pa padjeździe, 24- hadovaja Taćciana Aŭdziejeva pracavała aficyjantkaj u pružanskim restaranie i adna hadavała maleńkuju dačku, jakaja chodzić u dziciačy sadok.
Uviečary 15 maja paśla pracy Taćciana nie viarnułasia dadomu. Jaje žorstka zabili ŭ lesie niedaloka ad horada.
Pa nieaficyjnaj infarmacyi, vyjaŭlenyja prykmiety seksualnaha akta. Dziaŭčyna atrymała šmatlikija pierałomy hałavy i tułava. Cieła ablili salarkaj i padpalili. Cełaj zastałasia tolki adna ruka, kažuć susiedzi.
21 maja Taćcianu Aŭdziejevu pachavali ŭ zakrytaj trunie.
«Taćciana vielmi pryhožaj dziaŭčynaj była. Vielmi škada dačku jaje. Usim chto pryjšoŭ na pachavańnie, raspaviadała, jakaja pryhožaja škatułka ŭ ich doma staić. U dzieda pytałasia klučyki, kab adkryć i pahladzieć, što tam, — raspaviali susiedzi zabitaj. — Strašna vychodzić na vulicu ŭviečary paśla takoha źvierstva. Pakul niama dadzienych, što zabojcu znajšli. Dzie harantyja, što jon znoŭ na kahości nie napadzie?
Hramadzian, jakija bačyli Taćcianu Aŭdziejevu napiaredadni hibieli (viečaram 15 majaia i nočču 16 maja), abo vałodajuć jakoj-niebudź infarmacyjaj ab złačynstvie, Pružanski RAUS prosić patelefanavać pa telefonie: 375297987424 abo «102».
