Biełaruś prapanavała AAT "Hazpram" udzielničać u realizacyi inviestprajektaŭ na Biarozaŭskaj DRES i AAT "Hrodna Azot". Ab hetym paviedamili karespandentu BIEŁTA u pres-słužbie Ministerstva enierhietyki Biełarusi.
Pavodle infarmacyi Minenierha, u čas sustrečy pieršaha vice-premjera Biełarusi Uładzimira Siamaški i staršyni praŭleńnia AAT "Hazpram" Alaksieja Milera 8 listapada ŭ Maskvie abmierkavany prapanovy biełaruskaha boku pa sumiesnaj realizacyi inviestycyjnch prajektaŭ u halinie enierhietyki i vytvorčaści minieralnych uhnajeńniaŭ.
U pryvatnaści, razmova išła ab udziele "Hazprama" ŭ budaŭnictvie enierhabłoka mahutnaściu 400-500 MVt na novaj placoŭcy Biarozaŭskaj DRES, hadavaja vypracoŭka jakoj składzie 3-3,5 młrd. kVt.hadz u hod. Aryjencirovačny košt budaŭnictva novaha enierhabłoka składzie $330 młn.
Abmiarkoŭvałasia taksama pytańnie ŭdziełu rasijskaha boku ŭ prahramie raźvićcia vytvorčych mahutnaściej AAT "Hrodna Azot". Ahulnaja patrebnaść u inviestycyjach dla realizacyi hetaha prajekta składzie kala $1080 młn.
Na sustrečy była paćvierdžana niaźmiennaść umoŭ kantrakta na pastaŭku hazu ŭ 2007-2011 hadach, zaklučanaha AAT "Hazpram" i AAT "Biełtranshaz" 31 śniežnia 2006 hoda.