Imparciory piva da ciapierašniaha času nie atrymali licenzii na ŭvoz piva z Ukrainy ŭ Biełaruś. Pavodle źviestak BiełaPAN, heta abumoŭlena tym, što ŭkrainskija pivavary nie ŭzhadnili ź biełaruskim bokam koštaŭ, pa jakich ich pradukcyja moža realizoŭvacca ŭ Biełarusi.
Jak paviedamlałasia raniej, 1 maja Biełaruś ŭviała licenzavańnie impartu piva z-za miežaŭ Mytnaha sajuza. Zhodna z pastanovaj biełaruskaha ŭrada, impart piva ažyćciaŭlajecca zaraz pa razavych licenzijach, vydavać jakija upaŭnavažana Ministerstva handlu pa ŭzhadnieńni z kancernam «Biełdziaržcharčpram».
Padstavaj dla vydačy licenzii źjaŭlajecca padpisańnie imparcioram dakumienta ź biełaruskim bokam ab minimalnych cenach na piva, pa jakich jačmienny napoj budzie pradavacca ŭ Biełarusi. U toj ža čas u Kijevie ličać, što ŭ vypadku padpisańnia cenavaha pahadnieńnia ŭkrainskaje piva na biełaruskim rynku rezka padaražeje.