Pa vynikach maja 2014 hoda zołatavalutnyja reziervy Respubliki Biełaruś u vyznačeńni standartu MVF skaracilisia na 84,5 młn dalaraŭ i, pa papiarednich dadzienych, na 1 červienia skłali 5 młrd 395,6 młn. dalaraŭ ZŠA ŭ ekvivalencie.
Ad pačatku 2014 ZVR Biełarusi skaracilisia na 1 młrd 255 młn dalaraŭ.
Jak paviedamili va ŭpraŭleńni infarmacyi Nacyjanalnaha banka, na źnižeńnie abjomu zołatavalutnych reziervaŭ u mai paŭpłyvała pahašeńnie źniešnich i ŭnutranych abaviazacielstvaŭ u zamiežnaj valucie ŭ poŭnym abjomie, a taksama źnižeńnie cany zołata na mižnarodnym rynku kaštoŭnych mietałaŭ.
Nahadajem, u 2013 hodzie zołatavalutnyja reziervy, pa płanach uładaŭ, pavinny byli vyraści na 300-700 młn dalaraŭ, adnak pa fakcie adbyłosia ich skaračeńnie na 1,4 młrd dalaraŭ (z 8 młrd 95 młn).
Pavodle asnoŭnych kirunkaŭ hrašova-kredytnaj palityki na 2014 hod, pryrost mižnarodnych reziervovych aktyvaŭ Biełarusi ŭ adpaviednaści ź mietadałohijaj MVF pavinien skłaści pa vynikach hoda 0,2—0,5 młrd dalaraŭ ZŠA.