Naviny3232

Łukašenka: Siońnia fašyzm znoŭ uźnimaje hałavu, nas pierakonvajuć, što heta — prava na svabodu

Vystupajučy siońnia na cyrymonii zakładki pamiatnaj kapsuły na miescy stvareńnia miemaryjalnaha kompleksu «Traścianiec», Alaksandr Łukašenka zajaviŭ pra važnaść «niedapuščeńnia reabilitacyi nacystaŭ i ich pamahatych».

«Zdavałasia b, hienacyd, jaki panavaŭ tady, pavinien naviečna zastacca ŭ pamiaci čałaviectva, a na virus karyčnievaj čumy vypracavacca stojki imunitet. Na žal, hetaha nie adbyłosia. Siońnia fašyzm znoŭ uźnimaje hałavu, niekatoryja palityčnyja siły sprabujuć abialić nacyzm, vykarystoŭvajuć nacysckuju atrybutyku, simvoliku, łozunhi. U adpaviednaści sa svaimi karyślivymi intaresami pierapisvajuć vyniki Druhoj suśvietnaj vajny». 

«Asobnyja zamiežnyja palityki zapeŭnivajuć nas, što heta ŭsio — prava na svabodu, što ŭsio heta — prava na svabodu mierkavańniaŭ i prajaŭleńnie demakratyi. My takuju demakratyju nie prymajem, — padkreśliŭ Łukašenka.

— Naš śviaty deviz: «Nichto nie zabyty, ništo nie zabyta». Mienavita tamu my pryniali rašeńnie stvaryć tut, u «Traściancy», miemaryjał Pamiaci». 

«Nikoli nie pavinna paŭtarycca varjactva fanatykaŭ, nikoli nie pavinny panavać idei ksienafobii, daminavańnia i nacyjanalnaj nieciarpimaści», — zajaviŭ Łukašenka. 

Jon vykazaŭ udziačnaść zamiežnym haściam i dypłamatam za toje, što jany «paličyli svaim maralnym i čałaviečym abaviazkam ušanavać pamiać zahinułych u Traściancy», a taksama prapanavaŭ zrabić miemaryjał «abjektam ahulnajeŭrapiejskich znosin, jaki raskryvaje antyčałaviečuju sutnaść nacysckaj palityki ŭ dačynieńni da mirnaha nasielnictva Jeŭropy». 

«Heta budzie danina pamiaci tym pakaleńniam, na jakija abrynulisia ŭvieś ciažar i vyprabavańni XX stahodździa, miesca pakłanieńnia ŭsich luziej, jakim darahija kaštoŭnaści humanizmu i mirnaja budučynia», — skazaŭ Łukašenka. 

Biełaruski kiraŭnik zaznačyŭ, što kancłahier «Traścianiec» byŭ samym bujnym na terytoryi Savieckaha Sajuza i staić u adnym čornym radzie z «Aśviencymam», «Majdaniekam», «Treblinkaj». Tut byli źniščanyja bolš jak 200 tysiač čałaviek roznych vieravyznańniaŭ i nacyjanalnaściaŭ. 

Pavodle słoŭ Łukašenki, historykami i architektarami raspracavana maštabnaja kancepcyja miemaryjała, vydzieleny dziaržaŭnyja srodki na jaho budaŭnictva. Žadańnie zrabić svoj układ va ŭviekaviečańnie achviar nacyzmu vykazała i mižnarodnaja hramadskaść. «Siońnia, napiaredadni 70-hodździa vyzvaleńnia Biełarusi ad niamiecka-fašysckich zachopnikaŭ, my pačynajem budaŭnictva miemaryjalnaha kompleksu i zakapvajem kapsułu z pasłańniem da nastupnych pakaleńniaŭ pra strašnuju praŭdu toj vajny», — skazaŭ Łukašenka. 

U pamiatnaj kapsule havorycca pra toje, što miemaryjał pavinien pasłužyć napaminańniem budučym pakaleńniam ab trahičnych padziejach, jakija nikoli nie pavinny paŭtarycca, stanie simvałam bolu i smutku dla ludziej roznych nacyjanalnaściaŭ i vieravyznańniaŭ, pieraściarohaj suprać adradžeńnia varjackich idej pieravahi adnych narodaŭ nad inšymi. 

Kamientary32

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni1

«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni

Usie naviny →
Usie naviny

U Biełarusi spraścili praceduru prodažu tavaraŭ z padvojnymi kodami markiroŭki

Jak pieražyć śpioku?10

Dałaj-łama prydumaŭ, jak vyznačyć sabie namieśnika i abchitryć Kitaj2

U Vilni buduć šukać mahiłu Vitaŭta. Pošuki, jakija pravodzilisia stahodździe tamu, pryviali da vialikich adkryćciaŭ, ale mety nie dasiahnuli10

Stalica Paŭdniovaj Karei pieražyvaje našeście čornych žukoŭ2

Ukrainskija palarniki zrabili niezvyčajnaje FOTA ciulenia, jaki adpačyvaje na kryzie1

Ukrainski vajskoviec znajšoŭ kala biełaruskaj miažy zuby mamanta1

U centry Maskvy vybuchnuŭ aŭtamabil ź vieteranami FSB3

«Daviałosia syr na kasie pakinuć». Jak biełarusy reahujuć na nou-chau z padvojnaj markiroŭkaj tavaraŭ5

bolš čytanych navin
bolš łajkanych navin

«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni1

«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni

Hałoŭnaje
Usie naviny →

Zaŭvaha:

 

 

 

 

Zakryć Paviedamić