Kampjutarnaja prahrama, raspracavanaja ukraincam Jaŭhienam Dziemčankam i rasijskim inžynieram Uładzimiram Viesiałovym, stała pieršaj u historyi, jakoj udałosia prajści test Ćjurynha.
Kampjutar zmoh pierakanać 33% žury, što ź imi razmaŭlaje 13-hadovy chłopčyk z Adesy Jaŭhien Hustman.
Pamierły ŭ 1954 hodzie brytanski matematyk Ałan Ćjurynh prydumaŭ test na «čałaviečnaść» dla kampjutaraŭ, jaki i atrymaŭ nazvu «Test Ćjurynha». Hałoŭny kryteryj testu — zdolnaść mieć znosiny ź ludźmi tak, kab jany nie zapadozryli, što majuć spravu nie z čałaviekam. Inšymi słovami, test pakazvaje, nakolki mocna raspracoŭščyki zmahli rušyć napierad u stvareńni štučnaha intelektu.
Dla prachodžańnia testu Ćjurynha kampjutar pavinien padmanuć jak minimum 30% surazmoŭcaŭ. Raniej ni adnoj prahramie hetaha nie ŭdavałasia.
