«Hazprom» prapanavaŭ ukrainskim partnioram dakładna takija ž umovy, jakija mieŭ urad Viktara Fiodaraviča Janukoviča: źnižka z kantraktnaj cany $ 100.
Prezident RF Uładzimir Pucin zajaŭlaje, što Rasieja prapanoŭvaje Ukrainie haz pa canie $385 za tys. kub. — jak heta było pry «prezidenctvie Viktara Janukoviča».
Pra heta jon skazaŭ na naradzie z členami ŭrada.
«Hazprom» prapanavaŭ ukrainskim partnioram dakładna takija ž umovy, jakija mieŭ urad Viktara Fiodaraviča Janukoviča: źnižka z kantraktnaj cany $100, kančatkovaja cana — $385 za tys. kub.», — skazaŭ Pucin.
(Daviedka: tady haz kaštavaŭ $268,5 za tys. kub.)
Pavodle jaho słoŭ, takaja prapanova Rasii dla Ukrainy źjaŭlajecca bolš čym partniorskaj, ale, kali jana budzie adchilena, Maskva piarojdzie na inšyja adnosiny z Kijevam.
«Ličym, što našy prapanovy bolš čym partniorskija, nakiravanyja na toje, kab padtrymać ukrainskuju ekanomiku ŭ dosyć składany dla jaje čas, dapamahčy. Ale, kali našy prapanovy buduć adprečany, značyć, my piarojdziem u zusim inšuju stadyju, heta nie naš vybar. My hetaha nie chočam», — skazaŭ Pucin.
«Kali tak, to budziem žyć u inšym vymiareńni. Dźmitryj Anatoljevič (Miadźviedzieŭ), ja prasiŭ by vas mieć heta na ŭvazie, i tak, jak my damaŭlalisia, vybudavać dalejšuju pracu», — źviarnuŭsia jon da kiraŭnika rasijskaha ŭrada.
