3 1 pa 3 žniŭnia va ŭkrainskim horadzie Łuck u vośmy raz projdzie muzyčny fiestyval «Banderštat».
Mierapryjemstva pryśviečana pamiaci nacyjanalnaha hieroja Ukrainy, kiraŭnika Arhanizacyi ŭkrainskich nacyjanalistaŭ Ściapana Bandery dy ŭsich vajaroŭ Ukrainskaj Paŭstanckaj Armii. Jak śpiecyjalny hość, na feście vystupić biełaruski hurt Zatočka. Akramia taho, upieršyniu dla biełaruskich haściej rychtujecca śpiecyjalnaja prahrama. Tak, naprykład, u miežach fiestyvalu zapłanavanyja tvorčyja sustrečy z šeraham viadomych biełarusaŭ. Apieratyŭna apošnija naviny pra biełaruskija padziei na fiestyvali možna budzie daviedacca na staroncy Ukantakcie: http://vk.com/bel_bandershtat
Chedłajnierami fiestyvalu ŭ hetym hodzie buduć viadomyja ŭkrainskija hurty Skriabin, Motorroła, Komu Vniz i Rolliks.
Fest pravodzić moładzievaja arhanizacyja «Nacyjanalny aljans». Da ŭdziełu ŭ im zaprašajucca tolki vykanaŭcy, tvorčaść jakich maje «praŭkrainski źmiest». Ale dla biełaruskaha hurta tradycyjna robicca vyklučeńnie. Raniej na «Banderštacie» užo vystupali Tavaryš Maŭzer, Vinsent, Ściana, Akute i Terrakod.
Akramia muzyčnaj sceny, udzielnikaŭ fiestyvalu čakajuć sustrečy ź vieteranami Ukrainskaj Paŭstanckaj Armii i viadomymi hramadskimi i kulturnymi dziejačami, litaraturnaja scena i šerah lekcyjaŭ na raznastajnuju tematyku, etničny kirmaš, načny kinasieans ukrainskaha kino na paŭstanckuju tematyku, rekanstrukcyja boju pamiž UPA i NKUS, načnyja piesiennyja vohniščy i šmat inšaha.
