Lider sieparatystaŭ abmiarkoŭvaje z surazmoŭcam, jak možna sfalsifikavać dadzienyja i dakazać vykarystańnie ukrainskimi siłami fosfarnych bombaŭ.
Adpaviedny radyjopierachop razmovy pamiž samaabvieščanym premjeram Andrejem Purhinym i nieviadomym u Maskvie apublikavaŭ ministr unutranych spraŭ Arsien Avakaŭ praz «Hromadśkie TB». Avakaŭ śćviardžaje, što surazmoŭca Purhina znachodzicca ŭ Maskvie.
«Mianie mocna zadzioŭbvajuć pra fosfarnyja bomby. Kali ŭ ciabie chtości jość u Słaviansku, niachaj voźmuć hetyja fosfarnyja bomby», — kaža hołas, padobny na hołas Purhina. «Nie, tolki što razmaŭlaŭ, Andrucha, Strałok (Ihar Strałkoŭ/Hirkin) kaža, što ŭ vočy ich nikoli nie bačyŭ…» — adkazvaje surazmoŭca. «Aha ja zrazumieŭ. Heta p… Nu dobra. Raptam nie p…, treba kavałak dzie-niebudź znajści, kab fosfar možna było dzie-niebudź naškrabać. Nasypcie dzie-niebudź jaho tam, ja nie viedaju… Jaho možna budzie pravieźci na sumiežnuju terytoryju», - havoryć Purhin.