Na miažy Biełarusi ź Litvoj zatrymanaja hrupa nielehalnych mihrantaŭ.
Jak paviedamili ŭ Dziaržaŭnym pamiežnym kamitecie Biełarusi, 17 červień smarhonskija pamiežniki za sprobu niezakonnaha pierasiačeńnia biełaruska-litoŭskaj miažy zatrymali šaściarych hramadzian Hruzii, jakija vyrašyli abyjści punkt propusku «Kamienny Łoh».
Vyśvietliłasia, što sutkami raniej muž i žonka z dačkoj paśpiachova prajšli afarmleńnie na vyjezd u tym ža punkcie propusku. Adnak adsutnaść šenhienskaj vizy ŭ dziciaci stała padstavaj dla niapropuska siamji na terytoryju Litvy. Siamja viarnułasia ŭ Minsk na ciahniku. Na vakzale jany pačuli hruzinskuju havorku. U traich ich novych znajomych-suajčyńnikaŭ taksama była niaŭdałaja sproba vyjezdu ŭ Litvu. I tady ŭsie vychadcy z Kaŭkazskaha rehijonu vyrašyli abjadnacca i pierasiekčy miažu nielehalna.
Parušalniki dziaržaŭnaj miažy dla vyśviatleńnia ŭsich abstavinaŭ zatrymanyja, viadziecca raźbiralnictva.
