Abjom inviestycyj kitajskich bankaŭ i kampanij ŭ prajekty na terytoryi Biełarusi aceńvajecca ŭ $15 młrd, zajaviŭ premjer-ministr Biełarusi Michaił Miaśnikovič, vystupajučy 19 červienia na cyrymonii zakładki pieršaha kamieniu Kitajska-biełaruskaha industryjalnaha parka kala vioski Bykačana Smalavickaha rajona.
U pryvatnaści, pavodle jaho słoŭ, inviestycyi Kitajskaj nacyjanalnaj mašynabudaŭničaj karparacyi Sinomach skłali $1,7 młrd.
U svaju čarhu pasoł KNR u Biełarusi Cuj Cimin zajaviŭ, što za 22 hady, jakija prajšli z momantu ŭstanaŭleńnia dypłamatyčnych adnosinaŭ pamiž Biełaruśsiu i Kitajem, «byli atrymany bahatyja vyniki supracoŭnictva ŭ halinie palityki, ekanomiki i handlu, navuki i techniki, adukacyi, kultury i h. d.».
Pasoł ličyć stvareńnie Kitajska-biełaruskaha industryjalnaha parka «važnym momantam u raźvićci ŭsiebakovych adnosinaŭ i stratehičnaha partniorstva dźviuch krain». Na jaho dumku, stvareńnie parka taksama źjaŭlajecca «važnym mierapryjemstvam dla pavyšeńnia ŭzroŭniu supracoŭnictva, stymulavańnia industryjalnaj intehracyi i pierśpiektyŭnaha raźvićcia».
Napiaredadni cyrymonii zakładki pieršaha kamieniu parka ŭ Minsku adbyłasia prezientacyja industryjalnaha parka i inviestycyjnych mahčymaściaŭ Biełarusi. Akramia taho, u miežach vizitu kitajskich delehacyj u Biełaruś adbudziecca sustreča Michaiła Miaśnikoviča z pradstaŭnikami kitajskaha biźniesu. Budzie padpisana pahadnieńnie pamiž uradam Biełarusi i karparacyjaj Sinomach ab stratehičnym partniorstvie.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary