Złučanyja Štaty vitajuć vyzvaleńnie biełaruskaha pravaabaroncy Alesia Bialackaha, zajaviła aficyjny pradstaŭnik Dziarždepartamienta ZŠA Dženifier Psaki.
Jana nahadała, što ŭ 2011 hodzie Bialacki byŭ uznaharodžany premijaj amierykanskaha źniešniepalityčnaha viedamstva za «abaronu achviar palityčnych represij i ich siemjaŭ».
Vitajučy vyzvaleńnie pravaabaroncy, ZŠA «paŭtarajuć svoj zaklik da ŭrada Biełarusi nieadkładna i biezahavoračna vyzvalić usich palitźniavolenych i adnavić ich palityčnyja pravy». «Takija dziejańni prakładuć šlach da narmalizacyi adnosinaŭ pamiž ZŠA i Biełaruśsiu, — zajaviła Psaki. — My salidarnyja z narodam Biełarusi i paćviardžajem hatoŭnaść dapamahčy jamu pabudavać demakratyčnuju, praćvitajučuju i pa-sapraŭdnamu niezaležnuju jeŭrapiejskuju dziaržavu».
