Pozna ŭviečary ŭ niadzielu aktyvistami RNS była praviedzienaja akcyja «Kraina kryvych lusterkaŭ».
U rajonie Parka Čaluskincaŭ i Akademii Navuk byli ŭstalavanyja lusterki z kratami i łozunhami ŭ centry: «Pasuje?», «A moža, tak i treba?..», «Šmat dumaješ? Ty nastupny!», jakija prymušajuć čałavieka zadumacca pra biełaruskija realii.
Meta akcyi - prapanavać prostym minakam pahladzieć na siabie z boku i šukać pryčyny tatalnaj apatyi i abyjakavaści, u jakich znachodzicca ŭsia kraina, pierš za ŭsio ŭ sabie, — paviedamili arhanizatary akcyi «Našaj Nivie».
«My prosta pakinuli hetyja lusterki ŭ tvaim horadzie, bo raptam ty zabyŭsia pahladziecca siońnia, čałavieča.
A ci nie zabylisia pahladziecca tvaje rodnyja i siabry? Słavutaja biełaruskaja pamiarkoŭnaść: nakolki ŭtulna tabie žyć ź joj? Ci nie adčuvaješ ty, što tut niejki falš? A dumki? Ty možaš dazvolić sabie vykazvać ich u luby čas i ŭ lubym miescy? Tvoj baćka kaža tabie, što tak, ale adkul tady ŭ tabie hety strach?»
Nahadajem, što dva tydni tamu ŭ Minsku prajšła pieršaja anałahičnaja akcyja.
Aktyvisty raźmiaścili ŭ nišy fasada doma №39 pa praśpiekcie Niezaležnaści lusterka z namalovanymi na im markieram turemnymi kratami i nadpisam «Apynucca moža kožny». Lusterka prastajała ŭ nišy dva dni, pakul nie było «aryštavana» milicyjaj.
