Łuniniecki rajonny adździeł Śledčaha kamiteta pravodzić pravierku pa fakcie śmierci žychara Łuninca padčas ramontnych rabot u katłavanie.
Niaščasny vypadak adbyŭsia na terytoryi centralnaj rajonnaj balnicy 20 červienia kala 16.30. Bryhada kamunalnaha unitarnaha pradpryjemstva, padnačalenaha ŭpraŭleńniu achovy zdaroŭja Bresckaha abłvykankama, pravodziła raboty pa ramoncie kanalizacyjnaj truby. Byŭ vykapany katłavan hłybinioj kala 4 m, na dnie jakoha znachodziŭsia 43-hadovy elektrahazazvarščyk. U niejki momant abvaliłasia ziamla, i pracaŭnik KUP apynuŭsia pad zavałam.
Naviersie katłavana znachodzilisia jašče dva rabotniki hetaha pradpryjemstva, jakija paviedamili ab zdareńni ŭ MNS i sprabavali samastojna adkapać kalehu. Na žal, vyratavać jaho nie zmahli. Ratavalniki, jakija prybyli na miesca, dastali paciarpiełaha z-pad ziamli, a bryhada miedykaŭ kanstatavała jaho śmierć.
Dla vyśviatleńnia abstavinaŭ hibieli rabočaha pryznačana sudova-miedycynskaja ekśpiertyza, apytanyja śviedki i vidavočcy zdareńnia. Śledstva kanfiskavała na pradpryjemstvie dakumientacyju pa achovie pracy.
