Druhi prezident Ukrainy Leanid Kučma, jaki biare ŭdzieł u pieramovach u Daniecku ab urehulavańni situacyi na ŭschodzie krainy, paviedamiŭ, što baki zmahli damovicca ab spynieńni ahniu da ranicy 27 červienia.
na fota: «premjer-ministr» DNR, rasijski palitołah i žurnalist Alaksandr Baradaj, fota AP
Pra heta jon zajaviŭ na bryfinhu paśla pieramovaŭ, piša rasijski «Interfaks». «My damovilisia ab dvuchbakovym spynieńni ahniu da 10 ranku 27 červienia», — zajaviŭ Kučma.
U svaju čarhu prysutnyja na sustrečy pradstaŭniki ABSIE skazali, što buduć pravodzić sumiesnyja raboty pa pošuku hrupy, jakaja prapała ŭ Danieckaj vobłaści.
«ABSIE spryjaje mirnamu ŭrehulavańniu kanfliktu, adnak my pavinny być upeŭnienyja ŭ tym, što naša misija budzie znachodzicca ŭ biaśpiecy», — zajaviła pradstaŭnik misii ABSIE.
U paniadziełak u Danieckaj abłasnoj dziaržaŭnaj administracyi adbylisia šmatbakovyja pieramovy pamiž pradstaŭnikami Ukrainy, «DNR» i «ŁNR» i Rasijskaj Fiederacyi.
U pieramovach pryniali ŭdzieł pasoł RF va Ukrainie Michaił Zurabaŭ, pradstaŭnik dziejnaha staršyni ABSIE Chajdzi Taljavini, druhi prezident Ukrainy Leanid Kučma, kiraŭnik hramadskaj arhanizacyi «Ukrainski vybar» Viktar Miedviadčuk [pa niekatorych źviestkach — kum Pucina], pradstaŭnik «DNR» Alaksandr Baradaj, lidar prarasijskaha ruchu «Paŭdniovy Uschod» Aleh Caroŭ i pradstaŭniki «ŁNR».
Baradaj raniej zajaviŭ, što bajeviki hatovyja spynić ahoń u adkaz na anałahičnyja dziejańni ŭkrainskaha boku.