Lider i ideołah «Mižnarodnaha jeŭrazijskaha ruchu» Alaksandr Duhin, jaki zajmaŭ pasadu zahadčyka kafiedry sacyjałohii mižnarodnych adnosin sacyjałahičnaha fakulteta ŭ Maskoŭskim dziaržaŭnym univiersitecie, paviedamiŭ pra toje, što jon zvolnieny z VNU rašeńniem rektara Viktara Sadaŭničaha.
Paviedamleńnie ab hetym Duhin raźmiaściŭ na svajoj aficyjnaj staroncy «Ukantakcie».
Duhin adznačyŭ, što ŭ asabistaj hutarcy rektar MHU adznačyŭ, što zvalnieńnie vyklikana «reakcyjaj peŭnych kołaŭ» na pazicyju Duhina z nahody padziejaŭ na paŭdniovym uschodzie Ukrainy.
Pa słovach Duhina, Sadaŭničy zajaviŭ jamu, što MHU — «miesca dla navuki, a nie palityki» i patłumačyŭ lidaru «jeŭrazijcaŭ», što toj «zanadta zachapiŭsia palitykaj».
6 maja Duhin daŭ ahienctvu ANNA-News intervju, u jakim zaklikaŭ «zabivać, zabivać, zabivać» tych, chto dapuskaje «źvierstvy na Ukrainie». Paśla hetaha na sajcie change.org pačaŭsia zbor podpisaŭ pad zvarotam da Sadaŭničaha z patrabavańniem zvolnić Duhina z MHU (na dadzieny momant pad pietycyjaj padpisalisia amal 11 tys. čałaviek).
