Ekstrannaja kupla Irakam źniščalnikaŭ rasiejskaj kampanii «Suchoj» stała «maŭklivym dakoram» dla ZŠA, piša The New York Times. Raniej paviedamlałasia, što Su-30 byli nabyty dla baraćby z bajevikami hrupoŭki «Isłamskaja dziaržava Iraka i Levanta».
Aficyjny Irak ličyć, što Vašynhton prajaviŭ marudlivaść pry pastaŭcy źniščalnikaŭ F-16 i viertalotaŭ Apache, choć ciapier ZŠA znachodziacca ŭ pracesie prodažu abodvuch vidaŭ uzbrajeńniaŭ, havorycca ŭ artykule.
Kiraŭnik irakskaha VPS hienierał Anvar Chama Amin zajaviŭ, što rasijskija źniščalniki pačnuć vykarystoŭvacca ŭ najbližejšyja try-čatyry dni. Pa słovach Amina, u Irak taksama prybyli rasijskija vajennyja ekśpierty. Hienierał padkreśliŭ, što havorka idzie mienavita pra ekśpiertaŭ, a nie pra daradcaŭ. Amin dadaŭ, što rasiejcy pakinuć Irak u najbližejšy čas, paśla taho jak źniščalniki buduć padrychtavany dla ekspłuatacyi.