Alaksandr Łukašenka siońnia na adkryćci novaha budynka Biełaruskaha dziaržaŭnaha muzieja historyi Vialikaj Ajčynnaj vajny padkreśliŭ niedapuščalnaść pierakrojvańnia historyi pad kankretny palityčny zakaz i sprob ukraści Vialikuju Pieramohu.
fota kremlin.ru
«Ščyruju pahardu ŭ našych ludziej vyklikaje adkrytaja mana ab vajnie, kali roznyja psieŭdahistoryki vystaŭlajuć zdradnikaŭ hierojami, a zachopnikaŭ — vyzvalicielami, kali jany biessaromna pierakrojvajuć historyju pad kankretny palityčny zakaz i sprabujuć ukraści ŭ našaha naroda Vialikuju Pieramohu. Takim maradzioram my davali i budziem davać rašučy adpor, adstojvajučy hety važniejšy histaryčny zdabytak. I ŭ hetaj vajnie suprać maradzioraŭ my taksama budziem razam», - padkreśliŭ biełaruski lidar.
Alaksandr Łukašenka asabliva adznačyŭ, što Biełaruś zaŭsiody była suprać skažeńnia praŭdy ab vajnie i stała pieršaj u śviecie krainaj, jakaja stvaryła Muziej Vialikaj Ajčynnaj vajny. Rašeńnie ab jaho stvareńni było pryniata ŭ adzin z samych ciažkich pieryjadaŭ vajny, kali Biełaruś znachodziłasia pad akupacyjaj. «Jakoj ža mocnaj i niazłomnaj była viera ludziej u pieramohu praŭdy i dabra!» — zaŭvažyŭ kiraŭnik dziaržavy.
