«U piatnicu dniom ŭmovy nadvorja ŭ Biełarusi pačnie vyznačać antycykłon, sfarmiravany ŭ ciopłaj pavietranaj masie nad Bałkanskim paŭvostravam, — raskazała hałoŭny sinoptyk Respublikanskaha hidramieteacentra Ludmiła Paraščuk. —
Daždžy ŭ asnoŭnym spyniacca». Nočču i ranicaj u nizkich miescach i pablizu vadajomaŭ mohuć zhuščacca niepraciahłyja tumany. Tempieratura pavietra ŭnačy składzie plus 7-13 hradusaŭ, dniom budzie ad 19 hradusaŭ ciapła pa paŭnočnym uschodzie da 27 hradusaŭ sa znakam plus pa paŭdniovym zachadzie krainy.
U subotu ciopłaje pavietra raspaŭsiudzicca na ŭsiu terytoryju respubliki. Tempieratura pavietra ŭnačy składzie plus 10—15 hradusaŭ, dniom paciapleje da 22—28 hradusaŭ. Viecier čakajecca paŭdniovy ŭmierany. Prahnazujecca pieravažna biez apadkaŭ. Nočču i ranicaj u asobnych rajonach źjavicca słaby tuman.
U niadzielu pad abaronaj pavyšanaha atmaśfiernaha cisku ŭ mnohich rajonach krainy taksama abydziecca biez daždžoŭ pry tempieratury ŭ načnyja hadziny plus 12-18 hradusaŭ, dniom pavietra prahrejecca da 24—29 hradusaŭ ciapła.
Na praciahu bolšaści dzion nastupnaha tydnia pad upłyvam pavietranych mas, jakija pastupajuć z poŭdnia Jeŭropy, u Biełarusi zachavajecca vielmi ciopłaje nadvorje. Tempieratura pavietra ŭnačy składzie plus 14—19 hradusaŭ, dniom budzie ad 26 da 31 hradusa ciapła. «Taki tempieraturny fon na 3-8 hradusaŭ pieravysić klimatyčnuju normu dla pieršaha tydnia lipienia», - dadała hałoŭny sinoptyk. Čakajecca pieravažna biez apadkaŭ, tolki ŭ dzionnyja hadziny dzie-nidzie mohuć prachodzić karotkija letnija daždžy pad akampaniemient hroz.
Kamientary