Pieramožca «Jeŭrabačańnia-2014» aŭstryjec Tomas Nojvirt, jaki vystupaje ŭ vobrazie baradataj žančyny Kančyty Vurst, pradstavić svoj novy albom u listapadzie.
Ab hetym piša RIA «Novosti» sa spasyłkaj na pradstaŭnika konkursu «Jeŭrabačańnie» u Rasiei Dźmitryja Mielnikava.
«My viali doŭhija pieramovy, ale ŭ Kančyta vielmi ščylny hastrolny hrafik, i ciapier jana zaniataja vypuskam novaha alboma. Mahčyma, jana naviedaje stalicu Rasii ŭ ramkach pramatura alboma ŭ listapadzie», - paviedamiŭ Mielnikaŭ. Jon taksama raskazaŭ, što afterparty udzielnikaŭ «Jeŭrabačańnia» u Rasiei było admieniena pa nienazvanych pryčynach.
Biez udziełu pieramožcy konkursu «Jeŭrabačańnie» ŭpieršyniu za apošnija hady projdzie ŭ lipieni biełaruski muzyčny fiestyval «Słavianski bazar» u Viciebsku. Jak raskazaŭ dyrektar fiestyvalu Alaksandr Sidarenka, udzieł Nojvirt ŭ fiestyvali nie razhladaŭsia i pieramovy ź jaho menedžmientam nie vialisia.
