Adzin z katedžaŭ u elitnym pasiołku «Łahožask», jaki zabudoŭvaje kampanija «Trajpł» miljaniera Juryja Čyža, naležyć mitrapalitu Fiłaretu (mirskoje imia Kiryła Vachramiejeŭ).
Padrabiaznaści hetaj historyi byli apublikavanyja ŭ numary «Našaj Nivy» (№23 ad 18 červienia 2014 hoda).
Nahadajem, zakansiervavanaja budoŭla była pradadzienaja pravasłaŭnamu śviataru viasnoj 2012 hoda. A paśla jon atrymaŭ rašeńniem Łahojskaha rajvykankama ziamlu pad zbudavańniem. Na joj paŭstaŭ malitoŭny dom, svojeasablivy katedž-carkva, aformleny ŭ pryvatnuju ŭłasnaść Fiłareta.
«Naša Niva» daviedałasia, kolki kaštavała ŭhoda.
U rejestry cen dziaržaŭnaha ziamielnaha kadastra paznačana, što 4 krasavika 2012 hoda ŭ Łahojskim rajonie byŭ pradadzieny tolki adzin dom. Dyj znachodzicca jon jakraz u Łahožasku. Za hetuju zakansiervavanuju budoŭlu pakupnik zapłaciŭ 210 miljonaŭ rubloŭ, heta ŭsiaho kala $26 tysiač pa tahačasnym kursie dalara.
Heta značna nižej za rynkavuju canu. Naprykład, za miesiac da ŭhody Fiłareta inšaja zakansiervavanaja budoŭla była pradadzienaja za $90 tysiač.