Šerah biełaruskich VNU apublikavaŭ ceny na płatnaje navučańnie ŭ 2014/2015 navučalnym hodzie, jakija ŭ bolšaści vypadkaŭ akazalisia vyšejšymi za letašnija.
U Biełaruskim dziaržaŭnym ekanamičnym univiersitecie navučańnie na pieršym kursie ŭ novym navučalnym hodzie kaštuje kala 17 młn. rubloŭ na dzionnym adździaleńni (u 2013/2014 navučalnym hodzie — kala 14 młn. rubloŭ), 5,5 młn. rubloŭ — na zavočnym (4,75 młn. rubloŭ).
Za navučańnie na dzionnym adździaleńni ŭ Biełaruskim nacyjanalnym techničnym univiersitecie pieršakurśniki zapłaciać ad 16 da 18,4 młn. rubloŭ za hod (u minułym navučalnym hodzie — ad 13,3 da 15,4 młn. rubloŭ), na zavočnym — ad 6,85 da 7,6 młn. rubloŭ (letaś — ad 5,7 da 6,3 młn. rubloŭ).
U Bjełaruskim dziaržaŭnym univiersitecie infarmatyki i radyjoelektroniki navučańnie pieršakurśnikaŭ na dzionnym adździaleńni kaštuje ad 16,7 da 20,7 młn. rubloŭ (letaś — ad 14,6 da 16,9 młn. rubloŭ), na zavočnym — 6,8 młn. rubloŭ (5,4 młn. rubloŭ).
U Biełaruskim dziaržaŭnym miedycynskim univiersitecie hod navučańnia na dzionnym adździaleńni kaštuje ad 18 da 23 młn. rubloŭ (ad 15 da 19 młn. rubloŭ — letaś).
U Minskim dziaržaŭnym linhvistyčnym univiersitecie za navučańnie na dzionnym adździaleńni pieršakurśnikam daviadziecca zapłacić kala 16 młn. rubloŭ za hod (letaś — 14 młn. rubloŭ), na zavočnym — 5,4 młn. rubloŭ (4,5 młn. rubloŭ).
U Akademii kiravańnia pry prezidencie Biełarusi navučańnie na dzionnym adździaleńni budzie kaštavać 18,4 młn. rubloŭ (letaś — 15,3 młn. rubloŭ) i 7,2 młn. rubloŭ — na zavočnym (na letašnim uzroŭni).
Pryvatnyja VNU taksama pavysili ceny na navučańnie.
Tak, na dzionnym adździaleńni Instytuta parłamientaryzmu i pradprymalnictva navučańnie budzie kaštavać pieršakurśnikam 13,2 młn. rubloŭ u hod (letaś — 10 młn. rubloŭ), na zavočnym — 5,6 młn. rubloŭ (4,3 młn. rubloŭ); BIP — Instytut pravaznaŭstva: dzionnaje navučańnie — ad 14 da 18,5 młn. rubloŭ (ad 10,8 da 14,3 młn. rubloŭ), zavočnaje — ad 6,7 da 7,6 młn. rubloŭ (5,2—5,8 młn. rubloŭ).
U 2013/2014 navučalnym hodzie košt navučańnia na płatnych adździaleńniach pavyšaŭsia adzin raz pierad pačatkam navučalnaha hoda, ale nie bolš čym na 20%. U 2012/2013 navučalnym hodzie košt navučańnia naohuł nie mianiaŭsia, adnak u 2011/2012 navučalnym hodzie navučańnie ŭ vyšejšych i siarednich śpiecyjalnych ustanovach daražeła čatyry razy.
