Vyniki daśledavańnia Pew Research Center
Papularnaść Rasii siarod žycharoŭ śvietu rezka padaje na fonie padziej va Ukrainie. A rejtynh davieru da jaje lidara Uładzimira Pucina skaračajecca ŭ razy.
Pra heta śviedčać vyniki daśledavańnia Pew Research Center, praviedzienaha z 17 sakavika pa 5 červienia hetaha hoda siarod žycharoŭ 44 krain.
Usiaho było apytana 48,643 čałaviek.
Apytańnie pakazała, što 43% ludziej u śviecie majuć niehatyŭnaje mierkavańnie ab Rasii.
Tych, chto prytrymlivajecca supraćlehłaha punktu hledžańnia, 34%.
Bolš za 6 z 10 žycharoŭ Polščy, Hiermanii, Italii, Ispanii, Francyi, Vialikabrytanii i ZŠA majuć niehatyŭnaje staŭleńnie da Rasiei.
Faktyčna va ŭsich, akramia adnoj, z hetych krain niehatyŭnaje staŭleńnie ŭdvaja ŭzmacniłasia za apošni hod.
Pry hetym tolki hreki vyłučajucca na fonie inšych jeŭrapiejcaŭ, bo ich staŭleńnie da Rasii źjaŭlajecca dobrym — 35% majuć admoŭnaje staŭleńnie da Rasii, 61% — stanoŭčaje.
Staŭleńnie ukraincaŭ da Rasii taksama ašałamlalna źmianiłasia.
6 z 10 ukraincaŭ staviacca da Rasii niaŭchvalna, tady jak u 2011 hodzie takich było tolki 11%.
Taksama Rasija nie karystajecca papularnaściu siarod žycharoŭ Blizkaha Uschodu. Tut bolš za pałovu nasielnictva majuć niehatyŭnaje staŭleńnie da jaje.
Toje ž možna skazać i pra žycharoŭ Łacinskaj Amieryki.
Pa Azii voś staŭleńnie značna adroźnivajecca ŭ zaležnaści ad krainy i relihii.
Kitaj — adna ź niamnohich krain, dzie niehatyŭnaje staŭleńnie da RF naadvarot skaraciłasia.
Afryka najmienš padobnaja da inšych rehijonaŭ u svaim staŭleńni da Rasiei. Tut bolšaść žycharoŭ, za vyklučeńniem Paŭdniova-Afrykanskaj Respubliki, dajuć Rasii vysokija acenki, choć mnohija ludzi nie vykazvajuć svajo mierkavańnie adnosna hetaha.
Akramia taho, bolšaść nasielnictva ŭ 25 z 44 krain nie daviarajuć dziejańniam Pucina na mižnarodnaj arenie.
Tak, staŭleńnie da Pucina źjaŭlajecca vyklučna admoŭnym u ZŠA i Jeŭropie.
8 z 10 amierykancaŭ nie daviarajuć lidaru Rasii, z čym zhodnaja bolšaść jeŭrapiejcaŭ.
Bolš nie daviaraje Pucinu žycharoŭ Ispanii — 87%, Polščy — 86%, Francyi — 85%, Jehipta — 83%, ZŠA — 80%, Iardanii — 79%, Italii — 78%, zatym iduć Hiermanija — 77%, Turcyi — 75 %, i ŭžo paśla jaje idzie Ukraina — 73%.
Pry hetym bolš čym 7 z 10 ukraincaŭ vykazvajuć rasčaravańnie dziejańniami Pucina.
Bolšaść nasielnictva na zachadzie Ukrainy — 89% i 66% na ŭschodzie vykazvajuć niedavier rasijskamu prezidentu. Pry hetym u Krymie takich usiaho 5%.
Razam z tym siarod vyklučna ruskamoŭnaha nasielnictva ŭschodu Ukrainy nie daviaraje dziejańniam Pucina na mižnarodnaj arenie 51%, daviarajuć — 43%.
Na Blizkim Uschodzie i ŭ Paŭdniovaj Amierycy źniešniaja palityka Pucina taksama nie vyklikaje davieru.
6 z 10 žycharoŭ Japonii i Paŭdniovaj Karei nie daviarajuć Pucinu.
Admoŭnaje staŭleńnie da Pucina ŭ ZŠA ŭzrasło da 80%, što na 26% bolš u paraŭnańni z 2012 hodam (54%).
Za apošnija dva hady niehatyŭ da Pucina ŭ dva razy vyras taksama ŭ Polščy i Brazilii.
Va Ukrainie admoŭnaje staŭleńnie da rasijskaha prezidenta z 2007 hoda ŭźlacieła na 40% i dasiahnuła 73%.
Kamientary