U Biełarusi 15 lipienia pačynajecca pryjom dakumientaŭ va ŭstanovy siaredniaj śpiecyjalnaj adukacyi (USSA), paviedamiła pres-sakratar Ministerstva adukacyi Julija Vanina.
Abituryjenty padajuć u pryjomnuju kamisiju zajavu na imia kiraŭnika ŭstanovy adukacyi pa ŭstanoŭlenaj formie; aryhinały dakumienta ab adukacyi (paśviedčańnie ab zakančeńni 9 kłasaŭ, atestat ab zakančeńni 11 kłasaŭ abo dypłom ab atrymańni prafiesijna-techničnaj adukacyi z adnačasovym atrymańniem ahulnaj siaredniaj adukacyi abo dypłom ab praftechadukacyi i atestat ab zakančeńni 11 kłasaŭ) i dadatki da jaho; aryhinały siertyfikataŭ centralizavanaha teściravańnia, praviedzienaha ŭ hod pryjomu; miedycynskuju daviedku ab stanie zdaroŭja pa ŭstanoŭlenaj formie; dakumienty, jakija paćviardžajuć prava abituryjenta na lhoty pry zaličeńni, i 6 fatahrafij raźmieram 3 ch 4.
Dakumienty na asnovie ahulnaj bazavaj adukacyi prymajucca: dla navučańnia za košt srodkaŭ biudžetu — z 15 pa 31 lipienia, na płatnaj asnovie — z 15 pa 31 lipienia (u tym liku, ad abituryjentaŭ, jakija pavinny zdavać ustupny ispyt pa śpiecyjalnaści); na płatnaj asnovie ad abituryjentaŭ, jakija vytrymali ŭstupnyja ispyty pa śpiecyjalnaści, i ad abituryjentaŭ dla ŭdziełu ŭ konkursie dla atrymańnia siaredniaj śpiecyjalnaj adukacyi pa siarednim bale dakumienta ab adukacyi — pa 14 žniŭnia.
Pryjom dakumientaŭ na asnovie ahulnaj siaredniaj adukacyi ažyćciaŭlajecca: za košt srodkaŭ biudžetu — z 15 lipienia pa 6 žniŭnia, na płatnaj asnovie — z 15 lipienia pa 6 žniŭnia (u tym liku ad abituryjentaŭ, jakija buduć zdavać ustupnyja ispyty va USSA: pa śpiecyjalnaści, pa navučalnych pradmietach (abituryjenty z parušeńniami zroku, słychu, funkcyj aporna-ruchalnaha aparatu)); na płatnaj asnovie ad abituryjentaŭ, jakija vytrymali ŭstupnyja ispyty (CT; ustupnyja ispyty va USSA: pa śpiecyjalnaści, pa navučalnych pradmietach (abituryjenty z parušeńniami zroku, słychu, funkcyj aporna-ruchalnaha aparatu), ad abituryjentaŭ dla ŭdziełu ŭ konkursie dla atrymańnia adukacyi pa siarednim bale dakumienta ab adukacyi (pa śpiecyjalnaściach, dzie ŭ papiaredni hod konkurs byŭ 1,5 i mienš čałaviek na miesca)) — pa 14 žniŭnia.
U vypadku niemahčymaści prybyćcia abituryjenta ŭ pryjomnuju kamisiju pa ŭvažlivaj pryčynie (zachvorvańnie, udzieł u mižnarodnych konkursach i spabornictvach, słužbovaja kamandziroŭka abo inšyja niezaležnyja ad abituryjenta abstaviny, paćvierdžanyja dakumientalna) dakumienty padajuć zakonnyja pradstaŭniki abituryjentaŭ.
Dakumienty na śpiecyjalnaści sielskaj haspadarki i vodnaha transpartu prymajucca z 1 pa 5 śniežnia.
Julija Vanina adznačyła, što z 1 vieraśnia budzie pačata navučańnie pa novych śpiecyjalnaściach (napramku śpiecyjalnaści). Naprykład, «absłuhoŭvańnie i ekspłuatacyja žyłych damoŭ» (kvalifikacyja «śpiecyjalist pa kompleksnym absłuhoŭvańni i ekspłuatacyi žyłych damoŭ») u Architekturna-budaŭničym kaledžy Minska, «mikra- i nanaelektronnyja technałohii i sistemy» (kvalifikacyja «technik-technołah») u Minskim dziaržaŭnym vyšejšym radyjotechničnym kaledžy, «elektronika miechaničnych transpartnych srodkaŭ» (kvalifikacyja «technik-elektronik») u Minskim politechničnym kaledžy, «miechatronika» (kvalifikacyja rabočaha ź siaredniaj śpiecyjalnaj adukacyjaj «miechatronik 5-ha razradu (chaładzilnaje abstalavańnie)») u Mahiloŭskim technałahičnym kaledžy.
U 2014 hodzie płanujecca pryniać va USSA bolš jak 43 tys. čałaviek, u tym liku dla navučańnia za košt biudžetnych srodkaŭ — kala 25 tys. čałaviek.
