Biełaruś adkryta demanstruje ŭsiamu śvietu hatoŭnaść i zdolnaść adstojvać svaje nacyjanalnyja intaresy ŭsimi dastupnymi sposabami, zajaviŭ siońnia Alaksandr Łukašenka na cyrymonii ŭšanoŭvańnia vypusknikoŭ vajennych VNU i vyšejšaha aficerskaha składu.
Kiraŭnik dziaržavy padkreśliŭ, što ŭ sučasnych niaprostych umovach Biełaruś zabiaśpiečvaje svoj suvierenitet, abapirajučysia jak na ŭłasnyja siły, tak i na ŭzajemadziejańnie ŭ Sajuznaj dziaržavie, ADKB, na družalubnyja krainy. «My adkryta demanstrujem usiamu śvietu hatoŭnaść i zdolnaść adstojvać svaje nacyjanalnyja intaresy ŭsimi dastupnymi sposabami. Dla hetaha ŭ nas stvorana sučasnaja armija, zdolnaja adekvatna reahavać na źniešnija i ŭnutranyja pahrozy nacyjanalnaj biaśpiecy i nadziejna abaraniać mirnuju pracu biełaruskaha naroda», — skazaŭ Łukašenka.
Pavodle jaho słoŭ, asabovy skład Uzbrojenych Sił i inšych siłavych viedamstvaŭ maje vysoki maralny duch i aŭtarytet u biełaruskim hramadstvie, a nacyjanalnaja vajennaja škoła daje mahčymaść rychtavać vajennych śpiecyjalistaŭ u intaresach abarony dziaržavy pa ŭsim śpiektry śpiecyjalnaściej — ad taktyčnaha da stratehičnaha ŭzroŭniaŭ kiravańnia. «Jakaść i efiektyŭnaść padrychtoŭki ŭ Vajennaj akademii pryznany daloka za miežami Biełarusi. Śviedčańnie taho — zacikaŭlenaść vajennych viedamstvaŭ mnohich krain u abučeńni śpiecyjalistaŭ dla svaich uzbrojenych sił mienavita ŭ našych vajennych navučalnych ustanovach», — adznačyŭ Alaksandr Łukašenka.
Kiraŭnik dziaržavy padkreśliŭ, što ŭmacavańnie biaśpieki dziaržavy — praces niaspynny.
Pry hetym kampietentnaść u svajoj halinie, vypracoŭka ŭzvažanych i abhruntavanych rašeńniaŭ, dyscyplina, vytrymka, asabistaja adkaznaść za daručany napramak dziejnaści byli i zastajucca asnoŭnymi jakaściami biełaruskich aficeraŭ. «Vam daviadziecca vyrašać składanyja i adkaznyja zadačy padtrymańnia bajavoj i mabilizacyjnaj hatoŭnaści złučeńniaŭ i voinskich čaściej, achovy dziaržaŭnaj hranicy i hramadskaha paradku, zabieśpiačeńnia biaśpieki hramadzian i abjektaŭ narodnaj haspadarki», — adznačyŭ Łukašenka.
Jon taksama akcentavaŭ uvahu aficeraŭ na tym, što adnym z pryjarytetnych napramkaŭ ich dziejnaści pavinna stać umacavańnie ŭ hramadstvie pačućcia patryjatyzmu, hatoŭnaści da abarony nacyjanalnych intaresaŭ.
«Ale samaje hałoŭnaje — vam treba budzie abučać i vychoŭvać padnačalenych, jakija naradzilisia i vyraśli ŭ suvierennaj krainie», — padkreśliŭ kiraŭnik dziaržavy.
«Narod Biełarusi davieryŭ vam samaje darahoje — svajo mirnaje sučasnaje i budučyniu. Budźcie dastojny hetaha davieru», — daŭ nakaz biełaruski lidar.
