23 žniŭnia hurt «Lapis Trubjacki« u miežach raźvitalnaha tura «Kłoŭna niama – Happy End Tour» daść kancert dla biełaruskaj publiki. Vystup adbudziecca ŭ Vilni na adkrytaj placoŭcy kłuba Loftas, raźličanaj na 4,5 tysiačy hledačoŭ. Biełarusy majuć mahčymaść atrymać biaspłatnyja vizy.
Jak i było abvieščana niekalki miesiacaŭ tamu, z 1 vieraśnia «Lapis Trubiacki» spynić svajo isnavańnie. Tur «Kłoŭna niama – Happy End Tour» stanie najkaraciejšym u historyi hurtu – akramia Vilni kalektyŭ zajhraje raźvitalnyja kancerty tolki ŭ Maskvie, Piciery i Kijevie.
– Hetaj zimoj my hučna i šyroka prezientavali prahramu «Hraj» u Siemens Arena. Na hetym ža kancercie ŭ Vilni chaciełasia b stvaryć bolš niepasrednuju intymnuju atmaśfieru. Pry hetym spadziajemsia abyścisia bieź śloz. Nastrojvajciesia na pazityŭ! – tłumačyć pradusar «Lapisaŭ» Jaŭhien Kałmykoŭ.
Biaspłatnaja viza: dziakujučy padtrymcy MZS Litoŭskaj Respubliki kvitki na hety fest zabiaśpiečany biaspłatnymi vizami z terminam znachodžańnia z 22 da 24 žniŭnia ŭklučna. Padača dakumientaŭ tradycyjna sproščanaja – daviedki ź miescy pracy/navučańnia, paćvierdžańni płatazdolnaści nie patrebnyja. Padrabiaznaja infarmacyja pa zapaŭnieńni ankiet i inšych niuansach – www.shabli.by
Umovy prodažu kvitkoŭ: adzin kvitok na adzin pašpart. Kali vy nie majecie dziejnaj vizy, dla nabyćcia kvitka vam treba spačatku zarehistravacca na padaču dakumientaŭ u ambasadzie Litoŭskaja Respubliki ŭ Biełarusi na daty z 28 lipienia pa 14 žniŭnia (elektronny zapis na sajcie http://by.mfa.lt) i razdrukavać paćvierdžańnie rehistracyi. Novyja miescy na padaču dakumientaŭ źjaŭlajucca kožny pracoŭny dzień.
Košt na kvitkoŭ: 420 tys. rub.
Prodaž kvitkoŭ: z 30 červienia tolki na ofisie ahiencyi «Šabli»: horad Minsk, vulica Čarviakova 6, padjezd 3, cokalny pavierch (z 9:00 da 19:00 hadzin u pracoŭnyja dni).
Infalinija ŭ Biełarusi: +375 33 6555596; +375 29 6555596, +375 17 395 05 65.
